Johan 12:35 - Tedim Bible

³⁵ Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Tedim Bible Revision 2017

³⁵ Jesu in, “Note kiangah tawmvei sung khuavak hong om lai ding hi. Khuamial sungah a pai mi in a paina mun thei lo ahih manin khuamial in note hong phak loh nadingin khuavak na neih sungun na gamtat ngei uh zom paisuak un.

Johan 12:35 Referans Kwoze

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

Johan 16:16

“Tawlkhat khit ciangin nong mu kei ding uh hi. Tawlkhat khit ciangin na hong mu kik ding uh hi,” a ci hi.

Efesa 5:8

Bang hang hiam na cih uh leh, nidang lai-inah note in khuamial na hi uh hi; tu-in na hih uh leh, Topa sungah khuavak na hi uh hi. Tua ahih ciangin khuavak’ tate bangin na gamta un.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Johan 11:10

Ahih hangin mi khat in khuamial lai takin a pai leh, ama sungah khuavak om lo ahih ciangin a puk thei hi,” a ci hi.

Johan 12:36

“Khuavak in note tawh a omkhawm lai takin khuavak’ tate na suah nadingun khuavak na um un,” ci-in a gen hi. Tua thu teng Zeisu in a gen khit ciangin, paikhia-in a bu hi.

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.

Isaiah 2:5

Jakob’ suan leh khakte aw, hong pai un, Topa’ khuavak sungah gamta ni.

2 KORIN NIHNA 3:14

Tuate lungsim in theih hakin, tu-ni dongin thuciamna lui a sim uh ciangin, tua mai sitna in a sin hi; Khazih hangin kipaaikhia zo hi cih a thei kei uh hi.

Paunak 4:19

Migilote’ lampi ahih leh zan khuamial bangin mial a, amaute a tuksak, a suihkhak nate nangawn mu thei lo uh hi.

Jeremiah 23:12

Tua ahih manin amaute’ lampi in, khuamial lak lam nal-a pai tawh a kibang ding a, amaute kinawhkhia gawpin a tuk ding uh hi. Bang hang hiam cih leh amaute’ thuakna hun hong tun’ ciangin amaute’ tungah gimna ka tung sak ding hi, Topa in kong ci hi.

Johan 11:9

Zeisu in, “Nisuah leh nitum kikal nai sawm leh nai nih pha hilo ahi hiam? Mi khat in sun lai takin a pai leh, leitung khuavak a muh maninah a kipuk thei kei ding hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Luka 18:37

Amaute in, “Nazareth mi Zeisu hong pai hi,” a ci uh hi.