Johan 12:31 - Tedim Bible

³¹ Tu-in hih leitung in thukhenna a thuak ding hi. Tu-in hih leitung ukpa kihawlkhia ding hi.

Tedim Bible Revision 2017

³¹ Tu-in leitung thukhen ding hun hong tung ta a, hih leitung a ukpa kilawn khia ding hi.

Johan 12:31 Referans Kwoze

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

1 JOHAN MASA 5:19

Eite in Pasian’ tate i hi hi cih thu i thei hi, leitung khempeuh in a gilo mi’ khut sungah a om thu zong i thei hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

Efesa 6:12

Bang hang hiam na cih uh leh, eite in ci-le-sa tawh kido i hi kei hi; asang belte tawh ahi zongin, ukte tawh ahi zongin, vangliatna tawh ahi zongin, leitung tawh kipawl khuamial ukte tawh ahi zongin, vantung tawh kipawl munah a om gilo khate tawh ahi zongin i kido hi.

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

Hebru 2:14

Tua hi a, tua tate in a si a sa tawh kizom uh ahih ciangin Khazih in zong sihna a thuak ciangin, Dawimangpa ahi sihna a ukpa a suksiat nading ahi zongin, sihna kihta ahih manunah a nungta lai takun a tawntungin a kikhum bangin a omte a suahtak sak nadingin ahi zongin, tua tate bangin si-le-sa a la hi.

Kolose 2:15

A sangbel vangliatna leh uknate a laksak khit ciangin, kitel takin lak a, singlamteh hangin zawhna pawi a khaam hi.

1 JOHAN MASA 4:4

Ka ta neute aw, note in Pasian tawh kipawlin tua khate na zozo uh hi. Bang hang hiam na cih uh leh, note sungah a om mi in leitungmite sungah a om mi sangin a lianzaw hi.

Mattiu 12:28

Keimah in Kha Siangtho suangin dawite ka hawlkhiat leh, Pasian’ Gam in note kiangah hong tung zo hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Isaiah 49:24

Galhangpa kiang panin nate kilakhia zo ding a, thu khauhpa’ mat mite kihonkhia zo ding ahi hiam?

Johan 3:19

Thukhenna thu in leitungah khuavakin hong tunga; mite in khuavak sangin khuamial a deihzaw uh hi. Bang hang hiam i cih leh, amaute’ gamtatna man lo ahih hang hi.

Johan 9:39

Zeisu in, “Khua mu thei lote a muh nading ahi zongin, khua mu theite in mittawt nading ahi zongin thu khen dingin leitungah kong pai hi,” a ci hi.

1 KORIN MASA 1:20

Lungpil mi koi-ah a om hiam? Laithei mi koi-ah a om hiam? Hih leitung thu kidong thei mi koi-ah a om hiam? Pasian in leitung pilna a haisak hilo ahi hiam?

1 KORIN MASA 1:21

Bang hang hiam na cih uh leh, Pasian’ vaihawm bangin leitung mite in amau lungpilna hangah Pasian thei lo uh ahih ciangin, Pasian in a umte thuhilhna hai tawh a gup nading lungsim a nei hi.