Johan 11:53 - Tedim Bible

⁵³ Tua ahih ciangin tua ni-a kipan Zeisu a thah nadingun amaute kikumin a vaihawm uh hi.

Tedim Bible Revision 2017

⁵³ Tua ahih manin tua hun a kipanin Jesu a thah theih nadingun a vaihawm uh hi.

Johan 11:53 Referans Kwoze

Sawltak 9:23

Ni tampi a sawt khit ciangin Judah mite in Saul thah ding a vaihawm uh hi.

Sawltak 5:33

Amaute in hih thu a zak uh ciangin lungsim kitamkhia dektak zahin heh uh a, sawltakte that dingin khat leh khat a kikum uh hi.

Johan 12:10

Ahih hangin siampi liante in Lazaras zong thah dingin a vaihawm uh hi.

Johan 11:47

Tua ahih ciangin siampi liante leh Farisaite in upa vaihawmte kikhawmsak uh a, “Eite in bangci hih ding i hi hiam? Hih mi in nalamdang tampi a lak hi.

Marka 14:1

Ni nih khit ciangin, Paisan pawi leh silngo om lo khomun pawikhamna tung ding hi. Tua lai takin siampi liante leh laitheite in zuauthu tawh Zeisu man-a a thah theih nading lampi a zong uh hi.

Marka 3:6

Tua lai takin Farisaite paikhia uh a, “Zeisu bangci leeng susia thei ding i hi hiam?” ci-in thakhatin Herod’ nungzuite tawh a vaihawm uh hi.

Mattiu 26:59

Siampi liante leh upate in Zeisu thah nadingin thuzuau teci a zong uh hi.

Mattiu 22:46

kuamah in kamkhat beek dawng kik thei lo a, tua ni a kipanin kuamah in thu a dong ngam kei uh hi.

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

Jeremiah 38:15

Jeremiah in zong Zedekiah’ kiangah, “Thuman bangin hong gen leng kei nong that taktak ding hi. Ka ngaihsutna hong pia leng lah nong mang nuam kei ding hi,” a ci hi.

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

Late 113:2

Topa’ min in tu-a kipanin a tawntungin thupha ngah ta hen!

Late 71:10

Bang hang hiam cih leh ka galte kiho-in, kei hong thah nopna thu kikum uh hi.

Late 31:13

Hi hi, mi tampi’ kihuauna ka za hi—mun citeng-ah launa om! kei langpangin amaute vaihawm khawmin, thah dingin kei hong sawm uh hi.

Late 2:2

Leitung kumpite leh gam ukte in, Topa leh ama sathau nilhpa langpangin vaihawm uh a,

Nehemiah 13:21

Ahi zongin amaute hilhkholin amaute kiangah, “Bang hangin kulh gei-ah giak na hi uh hiam? Nong giah kik uh leh note tungah thu kong bawl ding hi,” ka ci hi. Tua huna kipanin sabbath ni-in amaute hong pai nawn lo uh hi.

Nehemiah 4:16

Tua hun-a kipanin ka khut nuai-a om mite kimkhat in na sem a, a kimkhat in a teipite, a lumte, leh a thalte uh tawi-in sikpuan silhin ding uh hi; uliante in kulh a ciang Judah mite khempeuh uk uh hi.

Piancilna 37:18

Amaute in gamlapi-ah amah na mu uh a, amaute' nai-ah amah hong tun’ma-in amaute in amah thah ding na vaihawm uh hi.

Mattiu 12:14

Tua lai takin Farisaite paikhia a, “Amah bangci leeng susia thei ding i hi hiam?” ci-in a vaihawm uh hi.

Mattiu 26:4

Zeisu bangci kheembawlin, a mat khit uh ciangin thatlum thei ding ci-in a vaihawm uh hi.

Johan 7:1

Tua nung ciangin Zeisu Galile gam sungah a vak hi. Bang hang hiam i cih leh, Judah mite in Topa thah dingin zong uh ahih ciangin, Judah gam sungah vak ding a ut kei hi.