Johan 11:41 - Tedim Bible

⁴¹ Tua ahih ciangin amau in suang a lemkhia uh hi. Zeisu dakto a, “Pa aw, nang in keima thu hong ngai na hih ciangin na hehpihna ka phat hi.

Tedim Bible Revision 2017

⁴¹ Tua ahih manin a suangtum a lik khia uh hi. Jesu zong van lam dak to-in, “Pa aw, ka thungetna hong ngai na hih manin ka nuam mahmah hi.

Johan 11:41 Referans Kwoze

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

Johan 17:1

Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Late 123:1

Vantung-a a ompa aw, nangmah kong ento hi!

Luka 10:21

Tua lai takin Zeisu in Kha Siangtho tawh lungdam a, “Vantung leh leitung a uk ka Pa aw, nangmah in hih thute mipilte leh misiamte kiangah im-inah, naupangte tungah lak na hih ciangin, na hehpihna ka phat hi. Ahi mah hi ka Pa aw, tua bangin na deih hi.

Filippi 4:6

Bangmah thu-ah lungmang loin, na khempeuh ah hehpihna phatin na nget nopnate uh Pasian kiangah na ko un.

Luka 18:13

Siahdongpa ahih leh, gamlapi-ah ding-in vantung lam nangawn en ngam loin a awm beengin, ‘Pasian aw, mawhnei keimah hong hehpih in,’ ci-in thu a ngen hi.

Mattiu 11:26

A hi mah hi, ka Pa aw, tua bangin na deih hi.

Mattiu 27:60

suang kikhuak ama han thak sungah sial a, han kong vangah suangpeek lian khat lik a, a khak khit ciangin a pai hi.

Marka 15:46

Josef in saihadial puan lei a, Zeisu’ luang a laksuk khit ciangin saihadial tawh tun a, suang kikhuak ama han sungah sialin, han kongvang ah suangpeek khat a liik hi.

Luka 24:2

Han vang pan suang kilikkhia a, om mu uh a,

Johan 11:22

Tu nangawnin Pasian kiangah na nget khempeuh Pasian in hong pia ding cih ka thei hi,” a ci hi.

Johan 20:1

Ni sagih lakah a kipat ni, khuavak ma zingtungin Magdala khua Mari hanah pai a, han kong khakna suang kilakhia zo-a om a mu hi.

Sawltak 7:55

Amah in Kha Siangtho tawh dim a, vantung a ettoh ciangin Pasian’ vangliatna leh Pasian’ ziat lamah a ding Zeisu a muh ciangin,