Johan 11:38 - Tedim Bible

³⁸ Tua ciangin Zeisu in a sungah khuisa kawmin hanah a pai hi. Tua han in leihawm hi a, suang tawh a kisin hi.

Tedim Bible Revision 2017

³⁸ Jesu a dah hong suakkik mahmah ahih manin leihawm sungah kivui-in suangtum tawh a gong a kihukna hanah a pai hi.

Johan 11:38 Referans Kwoze

Johan 11:33

Mari akipan amah tawh hong paikhawm Judah mite a kap uh Zeisu in a muh ciangin, a sin sungah khuisa-a lungmangin,

Mattiu 27:60

suang kikhuak ama han thak sungah sial a, han kong vangah suangpeek lian khat lik a, a khak khit ciangin a pai hi.

Johan 20:1

Ni sagih lakah a kipat ni, khuavak ma zingtungin Magdala khua Mari hanah pai a, han kong khakna suang kilakhia zo-a om a mu hi.

Luka 24:2

Han vang pan suang kilikkhia a, om mu uh a,

Isaiah 22:16

Hih lai-ah nangma ading hankhuk a to, a sangna munah hankhuk a bawl, na om nading suang a khuak mipa aw, nang in hih lai-ah bang hih a, vui ding kua nei na hi hiam?

Piancilna 23:19

Hih bangin a kihih khit ciangin, Kanaan gamsunga om Mamre (Hebron) nisuahna lam-a a om Makpelah lo sunga leihawm sungah Abraham in a zi Sarah vui hi.

Marka 15:46

Josef in saihadial puan lei a, Zeisu’ luang a laksuk khit ciangin saihadial tawh tun a, suang kikhuak ama han sungah sialin, han kongvang ah suangpeek khat a liik hi.

Marka 8:12

Zeisu in a lungsim sungah khuisa a, “Hih khang mite in bang hangin lim a ngen uh hiam? Ke’n aman takpi kong cih-inah, hih khang mite ading lim a kilak kei ding hi,” a ci hi.

Mattiu 27:66

Tuate in micing pawlte tawh pai uh a, han khakna suang a ciamteh khit uh ciangin a cingte koihin han a bit tak-in a bawlsak uh hi.

Ezekiel 21:6

Tua ahih ciangin Ezekiel aw, a lungkham mahmah bangin khuisa in la, mi khempeuh’ muh dingin thuumin tau in.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.