Johan 10:7 - Tedim Bible

⁷ Tua ahih ciangin khatvei Zeisu in, “Ke’n aman takpi kong cih-inah, keimah in tuukhumna kongpi ka hi hi.

Tedim Bible Revision 2017

⁷ Tua ahih manin Jesu in amaute kiangah thu genkik leuleu a, “A mantakin ci lehang, kei pen tuuteʼ paina kongpi ka hi hi.

Johan 10:7 Referans Kwoze

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

Johan 10:1

“Ke’n aman takpi kong cih-inah, tuukhumna sungah kongpi lam pan lut lo a, lamdang pan kahto-a a lut mi in guta buluh ahi hi.

Johan 10:9

Keimah in kongpi ka hi hi. Mi khat in kei tung tawnin a lut leh, gal tawh kipelh ding a, sungtum pusuakin an nek ding lonona mun a mu ding hi.

Ezekiel 34:31

No ka tuute aw, an ka hong vak, tuuhon ahi keima mite na hi uh a, keimah in note’ Pasian ka hi hi. Topa Pasian ahi keimah in hih thu kong gen khin hi,” hong ci hi.

Late 79:13

Tua ciangin, nangma mi, nangma gamsung tuu ahi kote in, na tungah lungdamna kong lak ngitnget ding uh a, a khang a khangin nangmah phatnate ka gengen ding uh hi.

Late 100:3

Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.

Late 95:7

Bang hang hiam cih leh amah in eite’ Pasian hi a, eite in ama hong kep mite leh ama khut sunga om tuute i hi hi. Tu ni-in hih bangin ama hong thugen za un:

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi; Topa in eite khempeuh’ mawhnate ama tungah suan hi.

Ezekiel 36:38

Tu hun-in a sia-a a omcip khuapite pen, a kiseh pawi hun ciangin biak nadingin a kipaipih, Jerusalem-a tuu honpi om muamua bangin, mi tampi tawh kidim ding uh hi. Tua ciangin Topa ka hihna thu hong thei ding uh hi,” hong ci hi.