Johan 10:2 - Tedim Bible

² Kongpi pan a lut mi in tuucing ahi hi.

Tedim Bible Revision 2017

² Ahi zongin tuukulh kong tawnin a lut mipa ahihleh a tuute a cing pa ahi hi.

Johan 10:2 Referans Kwoze

Johan 10:14

Migi tuucing ka hi hi. Pa in kei hong thei-a kei in Pa ka theih bangin,

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

1 PETER MASA 5:4

Tua bang ahih leh, Tuucing Ukpa hong kilat ciangin note in, a vul thei lo vangliatna lukhu na ngah ding uh hi.

Late 23:1

Topa in tuu cin’ bang-a kei hong cingpa hi a, bangmah ka kisam kei ding hi.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Thuhilh-sia 12:11

Mipilte’ thugente in, tuucingte in tuu hawlna-in a zat ciangkhut hiam tawh kibang hi. Tua thute pen, eite khempeuh tuucin’ banga hong Cingpa Pasian’ piak ahi hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

1 TIMOTI MASA 4:14

Genkholhna tawh, pawlpi upate’ khutngakna tawh nang hong kipia thupha letsong zang loin om kei in.

Johan 10:9

Keimah in kongpi ka hi hi. Mi khat in kei tung tawnin a lut leh, gal tawh kipelh ding a, sungtum pusuakin an nek ding lonona mun a mu ding hi.

Johan 10:7

Tua ahih ciangin khatvei Zeisu in, “Ke’n aman takpi kong cih-inah, keimah in tuukhumna kongpi ka hi hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Zekhariah 11:5

Tuu neite in a tuute go uh a, ahi zongin daan kipia lo hi. Amaute in a tuusa zuak uh a, ‘Topa in thupha ngah ta hen. Tu-in i hau ta hi,’ ci uh hi. A tuucingte mahmah in a tuute hehpihna nei lo uh hi.

Zekhariah 11:3

Tuucingte, a minthan’na uh beita ahih manin, dahin kap uh hi. A tulak inn uh kisusia khin ahih manin humpinelkaite’ hawkna za un.

Ezekiel 34:23

Amaute a cing dingin ka nasempa David ka koih ding a, amah in amaute hoih takin an vakin kem ding hi.

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.

Titu 1:5

Keimah in nang kong vaikhak mah bangin Krete gamah a kisam lai nate vaihawm kikin, khua khempeuh ah pawlpi upa koih nading tua gamah nang kong nusia zo hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Micah 5:5

Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

Isaiah 63:11

Tua ciangin amaute in hun lui lai, ama nasem Moses’ hun phawk uh hi. Ama tuuhonte a cing tuucingpa, tuipi sung pan a, a paikhiatpih Topa koi-ah om ta ahi hiam? Amaute’ tungah a Kha Siangtho a piapa,

Mattiu 15:11

Kam sungah a tumte in mi a ninsak kei hi. Kam sung pan a paikhiate in mi a ninsak thei hi,” a ci hi.