Johan 10:18 - Tedim Bible

¹⁸ Ka nuntakna kuamah in hong sut kei hi, keima ut thu-in ka paai hi. Ka nuntakna paaikhia-a lakkik theih nading thu ka nei hi. Tua thu ka Pa in hong pia hi,” ci-in a gen hi.

Tedim Bible Revision 2017

¹⁸ Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

Johan 10:18 Referans Kwoze

Hebru 2:9

Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Johan 10:17

Tua ahih ciangin keimah in ka nuntakna ka lak kik dingin paai ka hih ciangin, ka Pa in kei hong it hi.

Johan 14:31

Ahih hangin keimah in Pa’ hong thupiakna bangin ka hih a, Pa ka it cih leitung mite in a theihtheih nading ahi hi. Tho un, paikhia ni.”

Johan 6:38

Bang hang hiam na cih uh leh, keima deih bangin gamta dingin vantung pan hong kumsuk ka hi kei hi; kei hong sawlpa’ deihna bang gamta dingin hong kumsuk ka hi hi.

Johan 15:10

Keimah in ka Pa’ thupiaknate zui a, hong itna sungah ka om mah bangin, note in ka thupiaknate na zuih uh leh, kei sungah na om ding uh hi.

Johan 10:11

Keimah in migi tuucing ka hi hi. Migi tuucing in a tuute tang dingin a nuntakna a paai hi.

Sawltak 3:15

nuntakna hong pia Mangpa na that tazen uh hi! Ahih hangin Pasian in amah a thawhkiksak thu kote in teci ka hi uh hi.

Sawltak 2:24

Ahih hangin sihna in tua pa lencip zo lo ahih ciangin Pasian in sihna gimna a sutkhiat khit ciangin, a hing kiksak hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

Sawltak 2:32

Tua Zeisu Pasian in a thawhkiksakna thu kote khempeuh in teci ka hi uh hi.

Johan 19:11

Zeisu in, “Tung lam pan thu na ngah kei leh, kei tungah bangmah na hih thei kei ding hi. Tua ahih ciangin nangma khut sungah kei a hong piapa in khialhna golzaw a nei hi,” ci-in a thuk hi.

Johan 10:15

ka tuute ka thei a; ka tuute in zong kei hong thei uh hi. Keimah in zong tuute tangdingin ka nuntakna ka paai hi.

Johan 5:26

Bang hang hiam na cih uh leh, Pa in a sungah nuntakna a neih bangin, Tapa in zong a sungah nuntakna a neih nadingin thu a pia zo hi.