Johan 1:39 - Tedim Bible

³⁹ Zeisu in, “Hong pai le-uh teh na mu ding uh hi,” a ci hi. Tua ahih ciangin amaute pai-in ama omna a mu uh hi. Tua laitak in nitak nai li hi a, ama kiangah a tamkhawm uh hi.

Tedim Bible Revision 2017

³⁹ Jesu in, “Hong pai unla, ka omna mun hong mu un,” a na ci hi. Amau tegel in zong Jesu va zui uh a, a omna mun a va mu uh hi. Tua hun pen nitak nai li hun pawl ahih manin ama kiangah a giak uh hi.

Johan 1:39 Referans Kwoze

Luka 24:29

amaute in, “Kote tawh hong giakkhawm in. Ni tumin khua a mial dek zo hi,” ci-in Zeisu nakpi-in a khoh uh ciangin, amah in amaute tawh giakkhawm dingin inn sungah a lut hi.

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 4:40

Tua hi a, Samaria mite a kiangah a tun’ uh ciangin, amau khua-ah a tam nadingin a thuum uh ciangin ni nih a tam hi.

Johan 1:46

Nathanael in, “Nazareth khua sung pan na hoih khat hong piang thei ding hiam?” ci-in a dot leh, Filip in, “Hong pai in la, hong en in,” a ci hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.

Paunak 8:17

Kei hong itte ka it a, kei hong zong peuhmahte in hong mu uh hi.

Johan 1:38

Zeisu kihei a, amaute in a nung a zui uh a muh ciangin, “Bang zong na hi uh hiam?” ci-in a dong hi. Amaute in, “Rabbi aw, koi lai-ah om na hi hiam?” ci-in a dawng uh hi. Rabbi a khiatna in ‘Sia’ cihnopna ahi hi.

Johan 1:40

Johan’ thu za a Zeisu’nung a zui nihte khat in Simon Piter’ nau Andru ahi hi.