Johan 1:17 - Tedim Bible

¹⁷ Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Tedim Bible Revision 2017

¹⁷ Pasian in Moses tungtawnin Thukham hong pia a, ahi zongin Jesu Khris hangin itna le cihtakna thu hong pai hi.

Johan 1:17 Referans Kwoze

ROM (Romans) 6:14

Bang hang hiam na cih uh leh, thukham nuai-ah om loin, hehpihna nuai-ah na om uh ahih ciangin na mawhna un note hong uk lo ding hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Hebru 9:22

Thukham thu bangin na khempeuh sisan tawh kisiangthosak hi cih ding ahi hi. Sisan kibua loin mawhna maisakna a om kei hi.

Johan 8:32

Thuman taktak zong na thei ding uh a, tua thuman thutak in note hong suaktasak ding hi,” ci-in a gen hi.

Johan 7:19

Moses in Thukhamna no hong pia hilo ahi hiam? Ahih hangin note khat beek in hih Thukhamna na tang kei uh hi. Kei thah dingin bang hangin na hong zong uh hiam?” a ci hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Galati 3:17

Ke’n kong cih inah, Pasian in a kipsak kiciamna kum zali leh kum sawmthum khit ciangin a piangkik Thukham in a mawkna a suah nadingin a paaikhia ahi kei hi.

Thu-hilhkikna 5:1

Moses in Israelte khempeuh samin amaute kiangah, “Israelte aw, tu ni-a note zak-in kong gen thukhamte leh ngeina kipte za un la, note in thei-in lim takin zuih ding na ngaihsun ding uh hi.

Sawltak 7:38

Amah in gampalak mi kikhopna lakah ahi zongin, Sinai mual tungah amah tawh a hopih vantungmi tawh ahi zongin, eite pate tawh ahi zongin, omkhawm a, ei hong piak dingin hin’na thu a ngah hi.

Johan 5:45

Pa mai-ah hong mawhsak ding hi ci-in hong um kei un. Note hong mawhsak ding mi khat a om lai hi. Tua pa in kua mi ahi hiam ci-in na dot uh leh, na muanpa uh Moses ahi hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

2 KORIN NIHNA 1:20

Thuciamnate in bang zahin a tam hangin Pasian’ minthan’na kilatsak nadingin, “Ahi hi,” cih ding ahi zongin, kote hangin, “Amen,” cih ding ahi zongin ahi hi.

Johan 9:29

Pasian in Moses kiangah thu pia zo cih ka thei uh hi. Ahih hangin hih pa ahih leh, koi pan hong piang hiam ka thei kei uh hi,” ci-in a gensia uh hi.

Micah 7:20

Ka pu ka pate uh tungah nidang lai a, na ciamsa bangin, Abraham’ suan-le-khak ahi nangma mite tungah na cihtakna leh nong itna kip nong lak ding hi.

Late 98:3

Amah thutakin, it tawntungna nei ahih manin Israelte' tunga a thuciamna tung sak hi. Leitung mi khempeuh in i Pasian’ gupkhiatna mu khin uh hi.

Late 85:10

Itna kip leh thutakna kigawm ding a, thumanna leh kilemna kihual ding uh hi.

Thu-hilhkikna 33:4

Jakob mi honte’ neih dingin Moses in kote tungah ngeina khat hong pia hi.

Thu-hilhkikna 4:44

Hih in Israel mite tungah Moses in a piak thu ahi hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.