Joel 2:28 - Tedim Bible

²⁸ “Tua khit ciangin mi khempeuh tungah ka Kha ka bua ding a, na tanute uh leh na tapate un kamsang ding uh a, na puteekte un mang manin, na tangvalte un maang mu ding uh hi.

Tedim Bible Revision 2017

²⁸ “Tua khit ciangin mi khempeuh tungah ka kha ka sung dinga, na puteekte un mang manin na tangvalte un maang mu ding uh hi.

Joel 2:28 Referans Kwoze

Ezekiel 39:29

Israel mite tungah ka kha ka pia ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Isaiah 32:15

Ahi zongin Pasian in a Kha Siangtho hong puakkik ding hi. Leitang siate lo hoih hong suakkik ding a, lo-a ante hoih mahmah-in tulak bang ding hi.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Paunak 1:23

Kong thuhilhna hong ngai un, ka ngaihsutna kong gen ding a, ka theihna kong zasak ding hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Luka 3:6

Mi khempeuh in Pasian’ gupna thu a thei ding uh hi,” ci-in a gelh hi.

Galati 3:28

Khazih Zeisu sungah Judah mi a om kei, Grik mi a om kei, sila a om kei, sila lo a om kei, pasal a om kei, numei a om kei hi. Bang hang hiam na cih uh leh, Khazih Zeisu sungah note khempeuh in pum khat bek na hi uh hi.

Isaiah 40:5

Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.

Gamlak-vakna 12:6

Amah in, “Ka thu za un: Note lakah kamsang a om leh Topa keimah in ama tungah mangmuhna tawh ka kilak a, amah tawh mang sungah ka kiho hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Sawltak 21:9

Tua pa in thuhilh thei tanu li a nei hi.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thu genna a za mipa in ka thu genna mah man takin gen ta hen. Buhtu leh buhtang bangci kibat theih ding ahi hiam? Topa in kong ci hi.

Isaiah 54:13

Topa in na tapate khempeuh hilh ding a, na tapate daupai mahmah ding hi.

Luka 1:67

Tua naungeek’pa Zekhariah in Kha Siangtho tawh kidim a, kamsan’na tawh a gen-inah:

Hebru 1:1

Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Gamlak-vakna 11:17

Keimah hong pai sukin tua munah nang tawh i kiho ding hi; keimah in nang sunga om lungsim pawl khat la-in amaute sungah ka guang ding hi; nang guak in na puak loh nadingin amaute in mite’ vangik hong puakpih ding uh hi.

1 SAMUEL MASA 19:20

Tua ciangin David a man dingin Saul in mi sawl hi; amaute in kamsang honte mailam thu genin omin amaute a makai-in Samuel a ding a muh uh ciangin, Saul’ sawltakte tungah Pasian’ kha hong tung a, amaute in zong mailam thu gen uh hi.

1 SAMUEL MASA 28:6

Saul in Topa thu a dot ciangin, Topa in mang tawh hita leh, Urim tawh hita leh, kamsangte tawh hita leh dawng lo hi.

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Ezekiel 36:27

Note sungah keima kha kong guan ding a, note tungah kong piak ka thukhamte leh ka thupiakte lim takin kong zui sak ding hi.

Ezekiel 37:14

Note sungah keima kha kong guan ding a, note hong hingsak kikin, na gam uhah kong teengsak kik ding hi. Tua ciangin Topa ka hihna thu nong thei ding uh hi. Hih bangin kong hih nading thu ka kiciam zo a, ka kiciam bangin kong hih ding hi. Topa ahi keimah in hih thu ka gen khin zo hi, ci-in gen in,” hong ci hi.

Daniel 7:1

Belshazzar in Babilon kumpi a suah zawh a kum masa kumin keimah Daniel in ka lup sungin, mang khat ka man a, zanin maang ka mu hi: Ka mangmat lai-in ka gelh a, tua zana ka mangmuhnate ka ciamtehna hi bang ahi hi.

1 SAMUEL MASA 19:21

Hih thu Saul kiangah a kigen ciangin, amah in midang sawl leuleu a, amaute in zong mailam thu mah genin om uh hi. Tua ciangin Saul in mi a thumveina sawl a, amaute in zong mailam thu genin om veve uh hi.