Joel 2:23 - Tedim Bible

²³ “Zion mite aw, kipak un la, Topa, na Pasian uh tungah lungdam un. Note in an na hauh theih nadingun, ni danga bangin khuapi guah, tuk guah leh phalbi guah, a hoih bek hong zusak hi.

Tedim Bible Revision 2017

²³ “Zion mite aw, kipak unla, Topa na Pasian uh tungah lungdam ta un. Note in an na hauh theih nadingun nidang a bangin khuapi guah, tuk guah le phalbi guah, a hoihbek zah hong zusak hi.

Joel 2:23 Referans Kwoze

Filippi 4:4

Topa sungah lungdam tawntungin om un. Khatvei ka hong genkik-in ah lungdam un!

Siampi Laibu 26:4

keimah in note guahtui amau’ hunin kong pia ding a, leitang in ama gahte hong piangsakin, lo-a kungte in amau’ gah gah ding uh hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Thu-hilhkikna 11:14

na an leh na leenggahzu leh na sathau uh na kaihkhop theih dingun amah in guah masa leh guah nunung, a hunin na leitang uh adingin guah hong zusak ding hi.

Isaiah 41:16

amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israelte’ Siangtho Pa’ hangin na minthang ding uh hi.

Late 149:2

Amah a Bawlpa’ tungah Israel lungdam hen la, amau Kumpipa’ sungah Zion mite kipak ta hen!

Filippi 3:1

A khak bel thu in: ka it ka ute ka naute aw, Topa sungah na lungdam ta un. Hih bangin ka hong gelhkik hangin ka gim kei hi, note ading bitna ahi hi.

Zekhariah 10:1

Singkung lopa a sel hunin, Topa’ kiang pan guah ngen un. Meii kaisakin, guah zusak a, ankung khempeuh a dumsakpa in Topa ahi hi.

Late 28:7

Topa in ka hatna leh ka lum hi a, ka lungsim in amah muang hi; tua ahih manin kei hong kihuh a, ka lungsim nuamin diang a, ka lasakna tawh ama tungah lungdamna ka pia hi.

Isaiah 30:23

Amah in, khaici na tuh nadingun guah hong zusak ding a, lei pan-a piang an hoih tampi tak hong pia ding hi. Tua ni ciangin gankhahna mun zaina-ah na ganhingte un lopa ne ding uh hi;

Thu-hilhkikna 32:2

Ka thuhilhna in guahmal bangin zu-in, ka thugenna daitui bangin kia hen la, longeek tunga guah phin leh ankung tunga guahzu bang ta hen.

Thu-hilhkikna 28:12

Note leitangah ama hunin guah a zusak ding leh na sepna khempeuh uh thupha a pia dingin Topa in a na hoih kholna vantung note adingin phal takin hong hon’ ding hi; note in minam tampite tungah leitawi na pia ding uh a, ahih hangin note in leitawi na la kei ding uh hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

Zekhariah 10:7

Israel mite’ galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topa’ bawlna hangin kipak ding uh hi.

Jeremiah 5:24

A lungsim sung uhah, ‘A hun-a guah hong zusak a, tukguah khalguah hong pia a, anlak hun ding a hong sehsak den, Topa i Pasian zaktak ni,’ a ci kei uh hi.

Late 104:34

Topa in kei hong lungdamsak ahih manin, ka lasaknate in amah lungdamsak ta hen.

Jeremiah 3:3

Tua hang mah-in guahtui kikang sak a, guah nunung hong zu lo hi; ahih hangin numei paktatte bang hi napi-in, na zum thei kei lailai hi.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Isaiah 30:21

Taklam na kihei ciang uh hita leh veilam na kihei ciang uh hita leh, “Hih pen lampi hi, hih tawn un,” cihna aw, na nung lam panun na bil un a za ding hi.

Paunak 16:15

Kumpipa maitaii leh nuntakna hi a, ama pahtakna in tuk-guah a zusak meiipi tawh kibang hi.

Late 32:11

Thumante aw, Topa sungah lungdamin kipak un, lungsim man mi khempeuh aw, lungdamin awng un!

JOB (Job) 33:23

Mihingte a tavuan uh a phawksak, Pasian’ vantungmi tul tampite lak panin vantungmi khat amah huh dingin hong pai kha ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Amos 4:7

Tua ahih manin an lak hun ding kha thum bek in a sap laitak, an in guahtui a sap mahmah hun lai takin guah ka zusak kei a, khuapi khat bekah zusakin, a dangte ah ka zusak kei hi. Lo khat bekah guahzu a, a zuk lohna lote keutum hi.

Kah la 4:2

Kham banga manpha Jerusalem tangval note, tu-in leibeel bang lel-in a kibawl hi.

Zekhariah 9:13

Grik mite sim nadingin, Judah thal bangin keek-in, Israel thaltang-in ka zang ding a, Zion mite namsau-in ka zang ding hi.

Sawltak 14:17

Ahih hangin tecipan’na om loin amahmah a kinusia kei hi; amah in ama gitna hong lakin, vantung pan guahtui leh amau hun ciat a, a gah an hong pia hi; amah in an tampi hong pia-in na lungtang uh lungnopna tawh hong dimsak hi,” a ci hi.

Late 84:6

Amaute in Kuam keuna mun kantanin a pai laitakin, tua kuam pen ciktui tampi tawh kidim a, guahzu masate in zong tua mun pen bualtuite tawh kidim sak hi.

1 KUMPI MASATE 8:36

vantung pan za-in na mi Israel, na nasemte’ khialhna maisak in la, amaute’ zuih ding lampi hoih hilh in; tua ciangin na mite tungah gamh-in na piaksa leitang tungah guah zusak in.

JOB (Job) 37:13

Pasian in mihingte daantah nading ahi a, a pahtakna a lah nading ahi zongin, leitungah tu-a bangin a piangsak hi.

Late 147:8

Amah in vanpite pen meiipite tawh tuamin, leitung adingin guah bawl a, mualte tungah lopa posak hi.

Ezekiel 34:26

Amaute thupha pia-in ka mual siangtho kiim-ah ka om sak ding hi. A kisap hun hunin thupha guahtui ka zusak ding hi.