Joel 2:12 - Tedim Bible

¹² Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.

Tedim Bible Revision 2017

¹² Topa in hih bangin ci hi: “Tu mahmah nangawnin lungsim tak tawh kisikkikin, an tangin, kapin, thumna tawh kei kiangah hong paikik un.

Joel 2:12 Referans Kwoze

Hosea 12:6

Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Jeremiah 4:1

Topa in, “Israel mite aw, na kilehkik uh leh kei’ kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh leh,

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

1 SAMUEL MASA 7:6

Tua ahih ciangin amaute Mizpah-ah kikhawm uh a, tui tawi-in Topa mai-ah sungkhia uh a, tua ni-in an tangin tua lai munah, “Topa tungah i khial khin zo hi,” a ci uh hi. Samuel in Israel mite Mizpah-ah thukhen hi.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa lamah a kihei kik na hih uh leh note lak panin gamdang pasiante leh Ashtaroth milim koih khia-in Topa lamah na lungsim uh ngat un la, ama’ na bek sem un; tua ciangin amah in Filistiate khut sung panin note hong honkhia ding hi,” a ci hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Thukhente 20:26

Tua ciangin Israel mite khempeuh, galkap vekpi paito-in Bethel-ah tungin kap uh hi; tua lai mun Topa’ mai-ah amaute tu-in nitak dong tua ni an tang uh a, Topa mai-ah meihal biakna leh thunuam-a biakna pia uh hi.

Isaiah 22:12

Tua ni ciangin Vanglianpen Topa Pasian in kahna leh thuumna, sam mettolna leh puanhampi silh ding thu hong pia hi;

Zekhariah 7:5

“Gam sung mi khempeuh leh siampite tungah hih bangin gen in: Amaute in a beisa kum sawmsagih sung kha ngana leh kha sagihna sungin an tangin a kahna uh, kei hong pahtawina uh hi lo hi.

Esther 4:16

“Pai-in Susa khua sunga om Judah mi khempeuh khawm in la, keimah ngaihsutna-in an na tang un; a sun a zan ci loin ni thum sung an ne lo, tui dawn loin na om un. No tan’ mah bangin kei leh ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai ding hi; ka sih leh zong a si ka hi ding hi,” a ci hi.

Isaiah 58:4

En un, note in a kitawng ding leh a kilai ding leh giloin khuttum tawh a kitum ding bekin an na tang uh hi. Tu ni-a hih bang lel-a antangin na thungetna uh hong kingai ding ahi hiam?

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Daniel 9:3

An ngawlin, ippi puan silhin, vut lakah tu-in, Topa’ kiangah deihtakin thu ka ngen hi.

Malakhi 1:9

Tua ciangin no siampite aw, Pasian in eite hong hehpih theih nadingin ama kiangah thuum un. Na hih ngeisa bangun na ngetnate uh hong pia lo ding a, tua in nomau’ khialhna ahi hi.

Paikhiatna 33:5

Bang hang hiam cih leh Topa in Moses' kiangah, “Israel mite' tungah gen in, ‘Note in lungkhauh mi na hi uh hi; note' lakah tomno khat sung hong paito leng note kong beisak ding hi. Tua ahih ciangin note kong bawl nading ka theih nadingin note'tung panin na kizepnate uh suahkhia un,’ ci in,” ci-in gen khinzo hi.

Thukhente 2:4

Topa vantungmi in hih thute Israel mite khempeuh tungah a gen ciangin, mite nakpi-in kap uh hi.

2 SAMUEL NIHNA 24:10

Ahih hangin mi a sim khit ciangin David; lungsim in amahmah gimsak hi. Tua ciangin David in Topa’ tungah, “ka gamtatnasa sungah nakpi takin ka khial hi. Ahih hangin, tu-in,Topa aw, nang tungah kong thuum hi, na nasempa, mawhna hong maisak in; bang hang hiam cih leh hai mahmahna tawh ka gamta khin hi,” a ci hi.

2 KHANG TANGTHU NIHNATE 6:27

amaute a pai nading lampi hoih hih in la, vantung panin za-in na nasemte, na mi Israelte’ khialhna maisak in; tua ciangin na mite tungah gamh-in na piak na leitang tungah guah zusak in.

2 KHANG TANGTHU NIHNATE 30:6

Tua ahih ciangin kumpipa leh a uliante kiang pana laikhakte tawh Israel khempeuh leh Judah sungah laitaite pai uh a, kumpipa’ thupiakna, “Israel mite aw, Assiria kumpite’ khut sung panin a suakta, a om lai note lamah amah hong kihei kik theih nadingin Abraham, Isaak, leh Israel Pasian, Topa’ lamah kihei kik un.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Jeremiah 36:7

Amaute in Topa tungah thuum-in a vekpi-un a hoihlohna uh panin a kihei kha thei ding uh hi. Bang hang hiam cih leh hih mite tungah Topa in tun’sak dinga a gensa a hehna leh a thangpaihna lian mahmah hi,” a ci hi.

Hosea 12:7

Sumbukte in tawi tehna man lo zang uh a, amaute in mi khem ding nuam a sa uh hi.

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.