Joel 2:10 - Tedim Bible

¹⁰ Amau’ mai-ah leipi liing a, vanpi nangawn liing damdam hi. Ni leh kha zong mial ta a, aksite zong taang nawn lo hi.

Tedim Bible Revision 2017

¹⁰ Amauʼ mai ah leipi liing a, vanpi nangawn liing damdam hi. Ni le kha zong mial ta a, aksite zong taang nawn lo hi.

Joel 2:10 Referans Kwoze

Mattiu 24:29

“Tua gimna ni khit ciangin thakhatin ni hong mial ding a; kha a hong taang nawn kei ding hi; aksite hong kia ding uh a, vanah a om vangliatnate a kiliing ding uh hi.

Isaiah 13:10

Bang hang hiam cih leh vantung aksite leh amau’ aksi honpite in khuavakna piakhia lo ding hi; ni a suah tung akipan mial ding a, kha in khuavak taangkhia sak lo ding hi.

Late 18:7

Ama hehna hangin leitung kipumpei in, kiveei a, mual bulpite zong lingin kising damdam hi.

Sawltak 2:20

Topa’ Ni vanglian leh lamdang hong tun’ ma-in Ni hong mial ding a, Kha in sisan a suak ding hi.

Mangmuhna 6:12

Tuuno in gukna ciamtehna hon’ khit ciangin ka en a, nakpi-in zin a liing hi. Ni in samul tawh kigan puan bangin vom-in a suak hi. Kha in zong sisan bangin a piang hi.

Jeremiah 4:23

Leitung ka et leh lim-le-mel nei lo a, vantungah lah khuavak om lo hi.

Mangmuhna 8:12

Lina vantungmi in peengkul a tum ciangah ni seh thum suah seh khat, kha seh thum suah seh khat, aksite seh thum suah seh khatte su kha a, seh thum suah seh khat a mial hi. Sun seh thum suah seh khat a tang kei hi, zan seh thum suah seh khat in khuavakna nei loin a piang hi.

Nahum 1:5

Ama mai-ah mualliante liing a, Mualneute tuisuak hi. Ama mai-ah leitang kicim a, leitung leh a tunga om khempeuh liing uh hi.

Joel 2:31

Topa’ ni, tua a lauhuai hun hong tun’ ma-in, ni hong mialin, kha, sisan hong bang ding hi.

Isaiah 34:4

Vantung-a om khempeuh maimang ding a, laidal bangin vantungte kizial ding hi. Leenggui panin a tehte pulh-in, theikung panin a tehte a pulh bangin aksi hon khempeuh pulh ding hi.

Late 114:7

Leitung aw, suangpi bualtui khuk suak sak a, meisuang pen ciktui a suak sak, Jakob Pasian’ omna, Topa’ omna-ah kiliing in!

Mattiu 27:51

Tua lai takin Pasian biakna innpi’ dalna puan a tung lam pan a nuai lam dongin phel nih kisuah hi. Ziin liinga suangpite zong a kitam hi.

Amos 5:8

Van-a aksi Seguk leh Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tui a bua khiapa a min in, Topa ahi hi.

Joel 2:2

Tua ni a mial, a lungzin’ huai ni, meii kai-in khuazin’ ni hi ding hi. Mual tungah meiipi a kai bangin, sim zawh lohin kauphe honpi hong leeng hi. Cik mahin hih bang om ngei nai lo a, cik mah ciangin zong omkik nawn lo ding hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Mangmuhna 9:2

Amah in tua kuam thuk a hon’ ciangin, mei phualpi sung pan bangin kuam sung pan meikhu pusuakin tua meikhu hangin ni leh vantung a mial hi.

Isaiah 5:30

Tua ni ciangin amaute in tuipi ging bangin Israel tungah ngik ding uh hi. Mi khatpeuh in leitang en leh, khuamialna leh lungzin’na bek om hi; meiite in khua mialsak hi.

Joel 3:4

“Tai-ar khua, Sidon khua, leh Filistia gam khempeuh aw, kei bang hong cih nuam-a kinei na hi uh hiam? Bang khat peuh hangin hong thukkik nuam-a kinei na hi uh hiam? Kei a hong thukkik na hih leh, kei zong manlang takin kong thukkik pah ding hi.