Joel 1:8 - Tedim Bible

⁸ Nungak khat, a ten’pih ding a lawmpa in a sihsan ciangin puanhampi silh a, a kah bangin, note zong kapin thuum un.

Tedim Bible Revision 2017

⁸ Nungak khat, a teenpih ding a lawmpa in a sihsan ciangin a kah bangin note zong kapin thum un.

Joel 1:8 Referans Kwoze

Isaiah 22:12

Tua ni ciangin Vanglianpen Topa Pasian in kahna leh thuumna, sam mettolna leh puanhampi silh ding thu hong pia hi;

Malakhi 2:15

Pasian in na zite uh tawh pum khat, lungsim khat ahi dingin hong bawl hilo ahi hiam? Hih banga hong bawlna in bang a deihna ahi hiam? Pasian’ mi taktak ahi ding tate i neih theih nading ahi hi. Tua ahih manin na khangno lai-un na ten’pih na zi uh tawh na thuciamna uh na palsat khak loh nadingun kidawm un.

Jeim 5:1

Sum haute aw, tu-in hong pai un; note tungah hong tung ding gimna tawlna hangin kiko-in kap un.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun in a tawp dongin nasia semsem ding hi.

Jeremiah 3:4

Tu mahin kei nong sam a, ‘Ka pa aw, ka neu lai pek pan-a ka lawm na hi hi—

Isaiah 32:11

Nuam tak-a om hithiat numeite aw, liing un, nomau tum tak-a a lungmuangte aw, liinglawng un; na puan uh hawkkhia-in na tangguakun om un la, na kawng uhah puanhampi teeng un.

Kah la 1:4

Ni siangtho ni cianga a bia dingin Biakinnpi ah kuamah a pai nawn kei hi. Tua lai-a lasa numeite in gimna thuak uh a, siampite a tau uh hi. Khuapi kongpi-ah kuamah om nawn lo a, Jerusalem khuapi in gimna a thuak hi.