Joel 1:19 - Tedim Bible

¹⁹ Topa aw, nangma tungah kong kiko hi, Bang hang hiam cih leh mei in a kattum tawh kibangin, lonona leitang khempeuh leh singkung khempeuh keu mang khin hi.

Tedim Bible Revision 2017

¹⁹ Topa aw, nangma tungah kong kiko hi. Bang hang hiam cih leh mei in a kattum tawh kibangin, lo nona leitang khempeuh le singkung khempeuh keu mang khinta hi.

Joel 1:19 Referans Kwoze

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Amos 7:4

Tua ciangin Topa Pasian in hih bangin hong musak leuleu hi: Amah in meikuang tawh a mite daan pia dingin hong kithawi a, tuipite keutum sak a, leitung zong haltum dingin hong kipan hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

Joel 2:3

A madawkte in a haltum thei meikuang bang a, a nungdalte in mei-am alh tawh kibang hi. Amau’ hong tun’ ma-in gam sung teng Eden huan bang hi a, amau’ khit ciangin a kinusia a keugawp gam tawh kibang hi. Amaute kiang pan a suakta bangmah om lo hi.

Late 91:15

Amah in kei hong sap ciangin keimah in amah ka dawng ding hi; haksatna sungah amah ka ompih ding a, amah honkhia-in ka pahtawi ding hi.

Luka 18:1

Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Jeremiah 14:4

Lokhote a lungmang uh a, a lu uh puan a khuh uh hi. Bang hang hiam cih leh guahzu lo ahih manin lei a keugawp hi.

Amos 1:2

Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin, lonona gam teng keugawp a, Karmel mual dawn dum dide teng kausan ta hi,” a ci hi.

Jeremiah 3:9

Tua bang hih ding amah in baih ngaihsut lel ahih manin suangtum leh singtawng peuh bia-in a khial a, gam a ninsak hi.

Jeremiah 9:9

Hih thute hangin daantat lo ding ka hi hiam? Topa in kong ci hi. Hih bang minam khat tungah ka phu la lo ding ka hi hiam?