Jeremiah 9:8 - Tedim Bible

⁸ A leii uh thaltang lauhuai bang hi a, zuauthu a gen hi. A kam uh tawh a innvengte’ kiangah a awzol uh hangin, a sih nading uh a lungsim sung uhah a ngaihsun veve mawk uh hi.

Tedim Bible Revision 2017

⁸ A leii uh thaltang lauhuai bang a, zuau thu a gen uh hi. A kam uh tawh a inn veengte kiangah a aw-zol uh hangin, a sih nading uh a lungsim sung uh ah a ngaihsun veve mawk uh hi.

Jeremiah 9:8 Referans Kwoze

Late 28:3

Amau lungsim sungah siatna om hi napi a vengte tawh kilemna thu a gen khem, siatna bawlte, migilote tawh kei hong lakhia khawm kei in.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

Late 120:3

Mikhem theite aw, note’ tungah bang hong kipia ding a, note’ tungah bang hong kihih lai ding ahi hiam?

Late 57:4

Mihing tate, huaihamna tawh a netum humpinelkaite laizang ah ka om hithiat hi; amau hate in teipi leh thaltangte hi a, amau leite in namsau hiamte ahi hi.

Late 55:21

Ama kampau in thawhbat sangin nelzaw a, ahi zongin a lung sungah muhdahna om hi; a kammalte sathau sangin nipzaw a, ahi zongin tuate pen namsau hiam mahmah tawh kibang hi.

Late 12:2

Mi kim in a vengte kiangah zuau thu gen ciat a, phat khemna kamzol leh lungsim nam nih tawh pau uh hi.

2 SAMUEL NIHNA 3:27

Hebron-ah Abner hong kik ciangin, Joab in amah tawh a kituam hopih dingin kulh kongpi pam-ah paikhiatpih a, a sanggampa Asahel’ phu lakna-in amah in a gil sunin, tua ciangin si hi.

Jeremiah 9:5

Mi khempeuh in a innvengte uh khem ciat uh a, thuman gen kuamah om lo hi; a leii uh zuauthu gen dingin kisinsak uh a, mawhna a bawl manun tawllua-in a kisikkik zo nawn kei uh hi.

Jeremiah 5:26

Ka mite lakah mi gilote kihel uh a, vasa thang siah bangin mite thang siah-in man uh hi.

Late 64:8

Amau’ kampauna hangin amah in amaute siatna ngah sak ding a, amau a mu khempeuh in a lu uh peisan ding uh hi.

Late 35:20

Bang hang hiam cih leh amaute in kilemna thu gen lo uh a, gam sunga dai taka mi omte lang pangin, khemna thu ngaihsun uh hi.

Paunak 25:18

A lawmte’ lang khatah teci man lo a pang mi in, molhtum, namsau, ahih kei leh thaltang hiam tawh kibang hi.

Jeremiah 9:4

Mi khempeuh in a inn vengte uh kidawm uh hen la, a sanggamte uh muang kei uh hen; bang hang hiam cih leh sanggamte khempeuh khemhat ciat uh a, innvengte khempeuh zong gensiat hat ciat uh hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Late 12:3

“I leii tawh gual zo ding i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in atkhia ta hen.

Late 62:5

Ka lametna ama tung pan ahih manin, dai takin Pasian bek ka ngak hi.

Jeremiah 5:9

Hih thute hangin amaute daantat lo ding ka hi hiam? Topa in ka gen-inah, hi ci bang minam’ tungah thukkik lo ding ka hi hiam?