Jeremiah 9:7 - Tedim Bible

⁷ Tua ahih manin a vanglian Topa in a cih-inah: “En un, amaute a sian’tho nadingun ka suangtui dinga ka ze-et ding hi. Tua lo ka mite bang ka cih nawn ding hiam?

Tedim Bible Revision 2017

⁷ Tua ahih manin Vanglian Topa in a cih in ah, “En un, amaute a siantho nadingun suangtui-in ka ze-et ding hi. Tua lo ka mite bang cih nawn ding ka hi hiam?

Jeremiah 9:7 Referans Kwoze

Isaiah 1:25

Note kong langpan ding a, meikhuk-a haltui bangin na saam-ek teng uh tuikhia sakin, na kihelpih na nin khempeuh uh ka lakhia ding hi.

Malakhi 3:3

A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.

Jeremiah 6:27

“Jeremiah aw, ka mite ze-et dingin nang kong koih hi. Ze-et in la, a omdan uh thei in.

Isaiah 48:10

En un, meikhuk sungah ngun a kisian’sak bangin, gimna meikhuk sungah note kong ze-et hi. Ahi zongin note pen bangmah-a kimang lo na hihna uh hong kimu khia hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

1 PETER MASA 4:12

Ka itte aw, note hong ze-et nadingin na thuak uh mei tawh kisit, bawlsiatna in note tungah lamdangsak huaina ahi ci-in ngaihsun kei un, na lungmang kei un.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

2 KHANG TANGTHU NIHNATE 36:15

A mite leh ama teen’na mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi;

2 SAMUEL NIHNA 13:26

Tua ciangin Absalom in, “Tua bang hi lo ding ahih leh, ka sanggampa Amnon kote tawh nong paisak ding kong thum hi,” a ci hi. Tua ciangin kumpipa in ama kiangah, “Bang hangin nang tawh amah hong pai ding ahi hiam?” a ci hi.

Late 55:22

Topa tungah na vangik nga in, amah in nang hong huh ding hi; amah in thumante cik mahin a kilingsak ngei kei ding hi.

Late 62:5

Ka lametna ama tung pan ahih manin, dai takin Pasian bek ka ngak hi.

Late 120:4

Galhangpa’ thaltang hiamte leh sesing hol am!

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Jeremiah 5:1

Jerusalem khua sungah kileh kawikawi un. Khuadak un la, en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khua a mawhna ka maisak ding hi.

Hosea 4:1

Israel mite aw, Topa’ thugen ngai un. Hih gamsung a a teeng mite tungah Topa lungkim lo a, hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.