Jeremiah 9:5 - Tedim Bible

⁵ Mi khempeuh in a innvengte uh khem ciat uh a, thuman gen kuamah om lo hi; a leii uh zuauthu gen dingin kisinsak uh a, mawhna a bawl manun tawllua-in a kisikkik zo nawn kei uh hi.

Tedim Bible Revision 2017

⁵ Mi khempeuh in a veengte uh khem ciat uh a, thuman gen kuamah om lo hi. A leii uh zuau thu gen dingin kisinsak uh a, mawhna a bawl manun tawl lua uh a, kisik zo nawn lo uh hi.

Jeremiah 9:5 Referans Kwoze

Habakkuk 2:13

Na zawh uh minamte’ nasepna sate a mawkna suakin, amau’ sepsa teng a khu-in leng mang hi. Hih thu in Vanglianpen Topa’ pian’sak ahi hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Isaiah 57:10

A gamla na khualzinna tawh nang na gim a, ahih hangin nangmah in, “Lametna om kei,” na ci kei hi; nangmah in thahatna thak na ngah a, tua ahih manin na gim kei hi.

JOB (Job) 15:5

Tu-in na mawhna thu na kam panin hong gingkhia a, ngian zangin na kampau tawh na mawhna na seel hi.

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Micah 6:3

Topa in hih bangin thu sung a, “Ka mite aw, note bang hong cih kha ka hi hiam? Bang thu-ah note hong lunggimsak ka hi hiam? Tu-in hong dawng dih un!

Ezekiel 24:12

Ahi zongin bang zahin hanciamin a kisep hangin, a kang-op in bun lua ahih manin siang zo lo ding hi.

Jeremiah 9:8

A leii uh thaltang lauhuai bang hi a, zuauthu a gen hi. A kam uh tawh a innvengte’ kiangah a awzol uh hangin, a sih nading uh a lungsim sung uhah a ngaihsun veve mawk uh hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

Isaiah 5:18

Amaute in, “I muh theih nadingin amah manlang sakin, ama nasep kinawh sak ni; Israelte’ Siangtho Pa’ deihna i theihtheih nadingin nai sakin, tung sak ni!” ci-in ganhing kaih bangin khauzen tawh mawhna kai-in, khauhualpi tawh khialhna kai uh ahih manin gimna ngah ta uh hen.

Paunak 4:16

Migilote in asia khatpeuh a sep mateng lum thei lo uh a, mi khatpeuh a suk zawh mateng ihmu lo uh hi.

Late 140:3

Amaute’ leii in gulpi leii bang a, a thugente uh gulgu bang hi.

Late 64:3

namsau banga a leii uh a tatte, thaltang banga thu hoih lo a ngimte,

Late 50:19

Na kam uh, siatna na uksak uh a, na leii un kheemna khang sak hi.

Late 7:14

Migilo in thusia gai-in suak nuamin na a, zuauthu hing khia hi.

JOB (Job) 11:3

Job aw, na thugente hong dawng thei lo ding hong sa na hi hiam? Na simmawh kampaute hong kidawng mawh ding sa na hi hiam?

Piancilna 19:11

Inn kongkhak-a om mi a neu a liante amaute in a mit uh tawsak a, tua ahih ciangin kongkhak a zawt zawt hangun mu zo lo uh hi.

Late 52:3

Nang in hoihna sangin siatna na deihzaw a, thuman genna sangin zuauna na deihzaw hi.

Jeremiah 7:28

Tua ciangin nangmah in amaute’ kiangah, ‘Hih gam in, Topa amaute’ Pasian’ thu a mang lo gam hi a, thuhilhna sang loin, thuman om nawn lo a, genin zong a nei nawn kei uh hi,’ na ci ding hi.

Jeremiah 12:6

Bang hang hiam cih leh na sanggamte leh na innkuanpihte nangawn in nang hong zuak uh a, nang hong do ding mi honpi a kaikhawm uh hi. Kamkhum tawh nang a hong zol uh hangin um kei in,” ci-in hong dawng kik hi.

Jeremiah 12:13

Amau in mangbuh a tuh uh-a ling aat uh hi. Nasep a hahkat mahmah uh hangin bangmah a ngah kei uh hi. A kihtak huai Topa’ hehna hangin an lak hun ciangin a maizum ding uh hi,” a ci hi.

Jeremiah 13:23

Ethiopia mivomte in a vun uh a khek thei uh hiam? Kamkei in a gial a khek thei hiam? A khek theih uh leh siatna bawl ding a zongsang khin note in zong hoihna na bawl thei ding uh hi.

Jeremiah 51:58

“A vanglian Topa in kong gen-inah: A sah Babilon khua kulhpi lei lakah cimsuk ding a, a sang khua kongpite zong mei tawh a kihal ding hi. Mite’ nasepna a mawkna suak a, minamte’ hanciamna vut leh vai suak hi,” a ci hi.

Jeremiah 51:64

‘Babilon khuapi’ gitlohna hangin a tungah gimna ka tung sak ding a, tu-a bangin Babilon khuapi zong tum sukin a hong dawkto kik nawn kei ding hi,’ ci-in gen in” a ci hi. Jeremiah’ thugenna tu-a ciang ahi hi.

Malakhi 2:10

Eite khempeuh in, eite a hong piangsak Pasian ahi pa khat bek nei hilo i hi hiam? Tua hi napi-in bang hangin eite khat leh khat tungah citak loin, i pu i pate tawh a bawl, Pasian’ thuciamna palsat i hi hiam?

Thukhente 2:10

Tua ciangin tua khang mite khempeuh zong a pu a pate uh kiang kizuansak hi; amaute khit ciangin Topa hita leh, Israelte adingin a septe hita leh a thei lo khang thak hong piang uh hi.

Paunak 12:5

Thuman mite in a kilawm a kituakin hong bawl a, migilote bek in hong khem nuam hi.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.