Jeremiah 9:26 - Tedim Bible

²⁶ Izipt mite, Judah mite, Edom mite, Ammon mite, Moab mite leh a sam uh a mettom sehnel gam-a omte khempeuh zong ka daantah ding hi. Bang hang hiam na cih leh hih gamte khempeuh in vun a at kei uh a, Israel mi khempeuh zong a lungsim sung uhah vun at lohpi ahi uh hi.

Tedim Bible Revision 2017

²⁶ Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uh ah vun at lohpi ahi uh hi,” a ci hi.

Jeremiah 9:26 Referans Kwoze

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Siampi Laibu 26:41

“Ahih hangin kei tungah khemna tawh hong gamtatnasa uh leh kei tawh kilehngatin a paina uh hangin amaute tawh kilehngatin pai-in, amau galte’ leitangah amaute ka paipihna thu ahi, amau’ mawhna leh, a pu a pate’ mawhna pulakin a lungsim uh niamkhiatin, amaute in a mawhna a kipuahphat uh leh;

Ezekiel 44:7

Keimah biakna-in sathaute leh sasite nong piak uh ciangin, keima thu a mang lo, vun a ki-at lo gamdang mite a sungah na lutsak uh a, ka biakinn na ninsak uh hi. Tua bangin a muhdahhuai na gamtatnate uh tawh ka thuciamna na siasak uh hi.

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Jeremiah 49:32

A kalaohte uh kisutkhiat sak ding a, a bawnghonte uh kilakmang sak ding hi. A sam uh a met tom amaute mun khempeuh ah kithehthang sak ding hi. Mun khempeuh panin amau tungah siatna ka tung sak ding hi, Topa in kong ci hi.

Ezekiel 44:9

“Tua ahih ciangin Topa Pasian in tu-in kong genin ah: Vun ki-at lo gamdang mite peuhmah ka biakinn sungah lut lo ding uh a, note lakah a teeng gamdang mite nangawn lut lo ding uh hi.

Thu-hilhkikna 30:6

Note in na lungsim khempeuh uh leh na nuntakna khempeuh uh tawh Topa na Pasian uh itin na hin’ theih nadingun, Topa na Pasian un note leh na suan leh khakte uh tungah thuman’ nopna lungsim hong guan ding hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in, vun ki-at lo hih khuacingte kiangah pai ni; Topa in eite adingin hong hih kha ding hi; bang hang hiam cih leh hong hotkhiat nadingin a tam a tawm in Topa nawngkai sak lo ding hi,” a ci hi.

1 SAMUEL MASA 17:26

David in ama kianga ding mite kiangah, “Hih Filistiapa that-in Israelte tung panin hih mindaina a beisakpa adingin bang kihih ding ahi hiam? Amah in a nungta Pasian’ galkapte a to dingin hih dawibia Filistiapa in kua ahi hiam?” a ci hi.

Jeremiah 6:10

Keimah in ka dawngkik a, “Amaute in a zaktheih dingun kua’ kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Jeremiah 10:1

Israel mite aw, note hong hopihna Topa’ kammal ngai dih un.

Jeremiah 40:11

Tua mah bangin Moab gam, Ammon gam, Edom gam leh gamdang a, teeng Judah mi khempeuh in, Babilon kumpipa in Judah gamah mi pawlkhat om sak lai a, tuate a uk dingin Ahikam’ tapa, Shafan’ tupa Gedaliah koih hi, cih thu a za uh hi.

Ezekiel 31:18

“Tua singkung in Izipt kumpipa Faro leh ama mite ahi hi. Eden huan-a singkungte nangawn tua zahin lianin hoih zaw lo hi. Ahi zongin, Eden huan-a singkungte mah bangin, Pasian thu a ngaihsun lo, gal sunga a sisate’ omna a zuan dingin, misite’ omna Leinuai a zuan ding ahi hi. Topa Pasian keimah in hih thu ka gen khin hi,” hong ci hi.

Ezekiel 32:19

Midang khempeuh sangin mel hoih zaw hilo na hi uh hiam? Pai un la, Pasian a thei lo mite han sungah lum un, ci-in gen in.