Jeremiah 9:23 - Tedim Bible

²³ Topa in a gen-inah: “Mipilte in a pilna uh kisak theihpih kei uh hen la, mihatte in a hatna uh kisak theihpih kei uh hen. Mihaute in zong a hauhna uh kisak theipih kei uh hen.

Tedim Bible Revision 2017

²³ Tua ciangin Topa in, “Mipilte in a pilna uh kisaktheih pih kei uh henla, mihatte in a hatna uh kisaktheih pih kei uh hen. Mihaute in zong a hauhna uh kisaktheih pih kei uh hen.

Jeremiah 9:23 Referans Kwoze

Isaiah 5:21

Amau’ mit-ah pil kisa a, amau’ muhna-ah siam a kisate in gimna ngah ta hen!

Thuhilh-sia 9:11

Hih leitungah ka phawk thudang khat in: a tai hat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

ROM (Romans) 1:22

“Lungpil mi ka hi uh hi,” a cih uh hangin mihai suak uh a,

Ezekiel 7:19

Topa’ hehna amau tungah a tun’ ni ciangin, a ngun a khamte un amaute suahtak thei lo ahih manin, a ngun a khamte uh nin bangin kongzing lakah pai ding uh hi. A gilkial uh ciangin zong an bangin tuate ne thei lo uh hi. Ngun leh khamte in amaute mawhna sung tumpih zaw hi.

Paunak 11:4

Hauhna in na sih nading panin hong hu thei lo a, thumanna in na sih ding hong hu thei hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Late 62:10

Zawhthawh thu tawh lakna muan’in, nei kei in la, suhgawpnate lamet-in nei kei in; na hauhna a khan’ leh, tuate muan’ in nei kei in.

Thu-hilhkikna 8:17

Na lungsim uhah, ‘Ka vangliatna uh leh ka thahatna un hih hauhna hong ngahsak hi,’ ci kha ding na hih manun kingaihsun un.

1 TIMOTI MASA 6:10

Bang hang hiam cih leh, sum hauh nopna in khialhna pawl khempeuh bul ahi hi. Mi kimkhat in sum hauh nopna hangin upna lampi pan paikhia-in, lunggimna apawlpawl tawh amau pumpi uh a vut let zo uh hi.

Marka 10:24

A nungzuite in ama thu lamdang a sa uh hi. Khatvei Zeisu in, “Ka tate aw, sum leh pai a suangte in Pasian Gam sungah a tum nading bangzah tak a haksa hiam?

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Ezekiel 29:9

Izipt gam khempeuh a kinusia gam simtham suak ding a, tua ciangin Topa ka hihna thu na thei ding hi. Nangmah in Nail Gunpi in keima aa hi a, keima bawlsa hi, ci na hih manin,

Isaiah 10:8

bang hang hiam cih leh amah in, “Ka galkap mangte pen kumpi vive hi khin hilo ahi hiam?

Thuhilh-sia 2:19

Amah pil ta leh hai ta leh, ka pilna ka siamna khempeuh zang-a ka sepsa nate luahin a ukpa hi ding hi. Hih in a mawknapi taktak ahi hi.

1 SAMUEL MASA 17:42

Filistiapa khuadakin David a muh ciangin amah in simmawh hi; bang hang hiam cih leh amah a tangval pan, a cidam tuak, a mel hoih khat hi lel hi.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

1 KORIN MASA 1:31

Tua ahih ciangin Lai Siangtho sungah a kigelh mah bangin, “A kisatheite in Pasian hangah kisathei ta hen,” a ci hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

JOB (Job) 32:13

Bangci-in pilna nei-in kigen thei ding na hi uh hiam? Note in lel na hih manun Pasian in Job dawng ding hi.

Paunak 3:5

Na lungsim khempeuh tawh Topa muang in la, nang’ theihna suang kei in.

Paunak 21:30

Pilna, theihna, thugennate in, Topa’ mai-ah bangmah man lo hi.

Isaiah 20:5

Tua ciangin amau’ muan Ethiopia leh amau’ kisialhpih Izipt’ hangin amaute lungkia-in a maizum ding uh thei lo ding uh hi.

Isaiah 47:10

Na gitlohna ah nang na lung muang a, “Kuamah in kei hong mu lo hi,” na ci hi; na pilna lehna theihnate in lam hong pialsak a, na lungsim sungah, “Keimah hi’ng, kei sim loh midang om kei,” na ci hi.

Jeremiah 48:7

Na hatnate uh leh na neihsate uh na suan’ manun note zong hong kipai khiatpih ding hi. Na pasian uh Khemosh zong a siampi teng leh a ulian teng tawh, kipai khiatpih ding hi.

Jeremiah 49:4

A zulhzau numei aw, bang hangin na hatna kisaktheihpih na hi hiam? ‘Kua in hong sim zo ding hiam?’ ci-in bang hangin na hauhna suang na hi hiam?

JOB (Job) 41:15

A nungzang suk-ah a lipte lum bangin kithuap suk cinten a, suang bangin sakin kimatcip bikbek ciat hi.

Late 33:5

Amah in thumanna leh thutan’na deih a, leitung in Topa’ itna kip tawh kidim hi.

Late 34:3

Kei tawh Topa nak phat un, ama min pahtawi khawm ni!

Late 44:9

Ahih hangin nangmah in kote hong nusia-in, nong min siasak khin a, ka galkap hon uh tawh nang na kuankhawm kei hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Jeremiah 48:14

“Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.