Jeremiah 9:20 - Tedim Bible

²⁰ Numeite aw, Topa’ kammal ngai dih un, a kam pan-a hong gingkhia thu na bil uhah lut sak un; na tanute uh kahdan hilh un la, na inn vengte ciat uh kah la hilh un.

Tedim Bible Revision 2017

²⁰ Tua ciangin keimah in, “No numeite aw, Topaʼ kammal ngai dih un. A kam pan a hong ging khia thu na bil uh ah lutsak un. Na tanute uh a kah dan ding hilh unla, na inn veengte ciat uh kah la hilh un.

Jeremiah 9:20 Referans Kwoze

JOB (Job) 22:22

Ama hong hilhnate zui in la, ama thute na lungsimah ciamteh in.

Isaiah 3:16

Topa in hih bangin ci hi: Jerusalem numeite kiphasakin ngawng doksa-in lam pai a, kiphatsakna tawh a mit uh hei pampam-in hi tuihtuihsa-in pai uh a, a khe uh tawh gingsak sualsual ahih uh ciangin;

Isaiah 3:4

Amaute’ ulian dingin naupangte ka bawl ding a, naungeekte in amau uk ding uh hi.

Jeremiah 9:12

Hih thu a tel thei ding mipil kua ahi hiam? Hih thu a genkhia dingin Topa in kua hopih na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thu genna a za mipa in ka thu genna mah man takin gen ta hen. Buhtu leh buhtang bangci kibat theih ding ahi hiam? Topa in kong ci hi.

Jeremiah 6:11

Tua ahih ciangin Topa aw, na hehna tawh ka dim a, ka thuak zo nawn kei hi,” ka ci hi. Tua ciangin Topa in hong hopih-a, “Ka hehna kongzing lak-a naupangte’ tungah bua in la, tangvalte’ kikhopna-ah zong bua in. Papite leh nupite zong kilakhia ding a, pitek putekte zong a kipai khiatpih ding hi.

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Jeremiah 8:2

amaute in a it uh, a na a sepsak uh, a delh uh, a zon’ uh leh a biak uh ahi ni leh kha leh van-a om nate khempeuh’ mai-ah a kipho khia ding hi. Tua guhte kikhawm nawn loin a kiphum nawn kei ding a, lei laka ek kinusia bang ahi lel ding hi.

Jeremiah 14:16

A hilh uh mite in zong kial leh namsau thuak-in amaute-a kipan a zite uh, a tapate uh leh a tanute uh Jerusalem khua kongzing lakah kipaaithang dinga, kuamah in a vui kei ding hi. Bang hang hiam cih leh amau’ gitlohna amau tung mahah ka buaksuk ding hi,” hong ci hi.

Kah la 2:19

Zanin tho themthum in la, Pasian tungah kiko in. Na tate in hehpihna ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.

Kah la 2:21

Khangno leh khanghamte kongzing tengah si uh hi. Galte in nungak tangval teng namsau tawh a thatlum uh hi. Amaute hehpih loin na heh ni-in na thatlum sak hi.