Jeremiah 9:19 - Tedim Bible

¹⁹ Bang hang hiam cih leh Zion khua pan-a kiza kahna aw ging in, ‘I kisia khin zo hi! I zumhuai mahmah khin zo hi; bang hang hiam cih leh amau in i innte hong suksiat sak uh ahih manin, i gam i nusia ding hi,’ ci-in a gen hi,” a ci hi.

Tedim Bible Revision 2017

¹⁹ Zion khua panin a kiza kahna awging in, “I kisia khinzo a, i zumhuai mahmah khinzo hi. Bang hang hiam cih leh amaute in i innte hong suksiatsak uh ahih manin i gam i nusia ding hi,” a ci uh hi.

Jeremiah 9:19 Referans Kwoze

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Thu-hilhkikna 28:29

mittaw in khuamial lakah khua a zawt bangin sun-in khua na zawt ding uh a, na hihnate uhah na mavang kei ding uh hi; note hong kinengniamin na nate uh hong kisut niloh ding a, note hong huh ding kuamah om lo ding hi.

Micah 2:10

Tu-in ding un la paikhia un. Na khialhna hangun a lauhuai suksiatna tuak ding na hih manun, hih lai mun in note adingin tawlngakna mun hi lo hi.

Micah 2:4

Tua bang hun hong tun’ ciangin, mite in note’ gim ngahna thu gentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei hong mante tungah hong piaksak hi,” ci ding uh hi.

Kah la 5:2

Ka neihsa teng uh gamdang mite’ khut sung tung khin a, ka innsung uhah gamdang mite a teeng uh hi.

Kah la 4:15

Mite in “Paikhia un mi ninte aw, hong lawng kha kei un” ci-in a kiko uh hi. Tua bangin minam khat khit nam khat kiangah pai kawikawi uh a, ahih hangin kuamah in amaute a ngai kei uh hi.

Jeremiah 4:20

Siatna khat khit ciang’ khat hong tung a, gamsung khempeuh kisia khin hi. Tha khat thu-in ka bukte hong kisuksiat sak a, ka puan khaite hong kek gawp hi.

Jeremiah 2:14

“Israel sal ahi hiam? Sila namte ahi zenzen hiam? Hi lo ahih leh bang hangin a galte in luhgawp zo ahi hiam?

Siampi Laibu 20:22

“Tua ahih ciangin note in ka thukham khempeuh leh ka biakna ngeina kipte khempeuh zui-in, tuate na sem ding uh hi; tua in note na ten’ nading uh kong paipih nading leitang in note hong luakkhiat loh nading ahi hi.

Siampi Laibu 18:28

tua bang hi kei leh leitang in note ma-a a om minamte a luakkhiat bangin note in amah na nitsak uh ciangin note hong luakhia ding hi.

Siampi Laibu 18:25

leitang a nin suak ahih ciangin keimah in a leitang mawhna daan pia-in, leitang in ama tunga teeng mite luakhia hi.

Jeremiah 7:15

Efraim’ suan-le-khak ahi leilu lam-a na behte khempeuh uh ka paihkhiat bangin note zong ka muhna panin kong paaikhia ding hi.

Jeremiah 7:19

Topa in kong cih-inah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in thuak uh hi zaw lo ahi hiam?

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Isaiah 32:9

Nuam tak-a a om hithiat numeite aw, tho un la, ka aw za un; nomau tum tak-a a lungmuang tanute aw, ka thugenna na ngai un.

Ezekiel 27:2

“Ezekiel aw, Tai-ar khuapi tamlawhna kah la khat sa in.