Jeremiah 9:18 - Tedim Bible

¹⁸ Va kinawhsak un la, i khitui a luan’ theih nading, i mitkhu a kawt theih nadingin eite hong kah uh hen.

Tedim Bible Revision 2017

¹⁸ Mite in, “Va kinawhsak unla, i khitui a luan theih nading, i mitkhu a kawt theih nadingin eite hong kah uh hen,” a ci uh hi.

Jeremiah 9:18 Referans Kwoze

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Isaiah 22:4

Tua ahih ciangin keimah in, “Kei hong en kei un la, khitui tampi luangin nakpi-in hong kapsak un; ka mite tampi a sihna hangin keimah hehnem ding hong hanciam kei un,” ka ci hi.

Kah la 2:18

Jerusalem aw, na kulhpite mahmah Topa tungah kiko sak in! Sun-le-zanin na khitui guntui luang bang sak in. Dahna leh kahna tawh na hun beisak in.

Kah la 2:11

Ka kah kahna-in ka mit paat gawp a, ka lungsim a gim lua mahmah hi. Ka mite kisiatna hangin dahin husamin ka bah gawp hi. Naupangte leh naungeekte kongzing lakah a sibup uh hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawl pihte khempeuh in kheemin, tu in a langpan’ khin ta uh hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Jeremiah 9:20

Numeite aw, Topa’ kammal ngai dih un, a kam pan-a hong gingkhia thu na bil uhah lut sak un; na tanute uh kahdan hilh un la, na inn vengte ciat uh kah la hilh un.

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Jeremiah 6:26

Ka tanu aw, ippi puan silh in la, vut lakah kikhuk in. Tapa khat neihsun sih suah bangin kap vangvang in, bang hang hiam cih leh a hong susia dingpa thakhat thu-in hong pai ding hi.

Luka 19:41

Zeisu in a naih ciangin khuapi mu-in kap a,

Late 119:136

Mite in nangma thu zui lo ahih manin ka khitui hawk luan’in a luang hi.

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Kah la 3:48

Ka mite a kisiat manin, ka khitui guntui luang a bang hi.

Amos 5:16

Tua ahih ciangin Topa, mihonpite’ Pasian in hih bangin ci hi: Mihon omna lamkabom khempeuh ah, mite in nasa-in thuumin tau ding uh a, kongzing khempeuh ah kap ding uh hi. Khua neu-a mite a thuum dingin kisam ding a, a kah siam mite a kap dingin kicial ding hi.

Jeremiah 3:24

“Ahih hangin i neu lai-a kipan a zumhuai Baal pasian i biakna hangin i pute i pate’ nasep sa ahi tuute leh bawngte, a tapate le a tanute uh khempeuh i sum khin zo hi.

Jeremiah 3:25

Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.

Jeremiah 4:20

Siatna khat khit ciang’ khat hong tung a, gamsung khempeuh kisia khin hi. Tha khat thu-in ka bukte hong kisuksiat sak a, ka puan khaite hong kek gawp hi.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.