Jeremiah 9:12 - Tedim Bible

¹² Hih thu a tel thei ding mipil kua ahi hiam? Hih thu a genkhia dingin Topa in kua hopih na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?

Tedim Bible Revision 2017

¹² Tua ciangin keimah in, “Hih thu a thei tel ding mipil kua om ahi hiam? Hih thu a gen tel theih nadingin Topa in kua tungah hilh tel na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?” ci-in ka dong hi.

Jeremiah 9:12 Referans Kwoze

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Late 107:43

A pil peuhmah in hih thute don hen la; Topa’ itna kip lungngaingai ta hen.

Thu-hilhkikna 32:29

Amaute pil hi leh, hih thu theitel ding uh a, amau’ thu tawpna mu ding uh hi!

Mangmuhna 1:3

Hih lai simin, hih hilhkholhna thu za-in, lai sungah a kigelh nate a ngai mite in thupha a ngah ding uh hi. Bang hang hiam i cih leh, a hun a nai zo hi.

Mattiu 24:15

“Tua ahih ciangin kamsangpa Daniel a hilh ngei bangin, a kisia thei kihhuaina in a siangtho munah ding-a a om note in na muh uh ciangin, (Lai Siangtho a sim theite in thei ta hen.)

Ezekiel 14:23

Amaute’ gitlohna zia na muh ciangin ka hihnate khempeuh a kilawm mah ahihna na phawk ding hi. Topa Pasian in thu hong gen khin ta hi,” hong ci hi.

Isaiah 42:23

Note’ lakah khat peuhpeuh in hih thu na ngai ding uh hiam? Tu-a kipanin lim takin na ngai ding uh hiam?

Jeremiah 9:20

Numeite aw, Topa’ kammal ngai dih un, a kam pan-a hong gingkhia thu na bil uhah lut sak un; na tanute uh kahdan hilh un la, na inn vengte ciat uh kah la hilh un.

Jeremiah 23:10

Bang hang hiam cih leh mun khempeuh ah angkawmte dim hi. Topa’ haamsiatna hangin gamsung tengah kahna dim a, gamlak lonona munte a keumang hi. Amaute gitlohna lamah pai uh a, a thuneih theihnate uh a man lopi-in a zang uh hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Jeremiah 23:22

Ahih hangin amaute in ka lungsim tawng dong thei uh hi leh ka thu gente ka mite tungah a tangko ding uh a, a nuntakna hoihlote panin kikhel sakin, a gamtat hoih lote panin zong a kikhelsak khin zo ding uh hi.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thu genna a za mipa in ka thu genna mah man takin gen ta hen. Buhtu leh buhtang bangci kibat theih ding ahi hiam? Topa in kong ci hi.

Joel 1:11

Lo khote aw, dah un; leenggui ciingte aw, kap un; mangbuh leh mangbuhham, leh lo an khempeuh bei ta hi.

Zefaniah 3:6

Topa in hih bangin thu gen a, “A kiphasak mite ka nilkhia a, a gal panmunte uh ka susia hi. A kongzing lampite uh ka kinusiacip sak a, kuamah in tua lampi tawn nawn lo hi. A khuapi uh kisia gawpin kinusia a, a sungah kuamah om nawn lo hi.

Hosea 4:10

Amaute in pasian dangte a bia dingin kei kiang panin kihei khia uh ahih manin biak piakna a sa tanhte uh a nek hangun a gil uh vah tuan lo ding hi. Mi pun’na ding deihna-in biakna piakna-in numei tawh mawhna a bawl uh hangin mi pung tuan lo ding hi.