Jeremiah 8:3 - Tedim Bible

³ Hih a gilo minamte’ laka a omlai sun teng in ka hawlkhiatna munah nuntak ding sangin sih ding a teelzaw ding uh hi, a vanglian Topa in kong ci hi.

Tedim Bible Revision 2017

³ Hih a gilo minamteʼ lakah a om lai sunteng in ka hawl khiatna munah nuntak ding sangin sih ding a teel zaw ding uh hi, Vanglian Topa in kong ci hi.

Jeremiah 8:3 Referans Kwoze

Mangmuhna 9:6

Tua nite lai takin mite in sih nading a zon’ uh hangin a mu kei ding uh hi. Amaute in a sih nop mahmah uh hangin sihna mangpa in amaute kiang pan a taikhia ding hi.

Jeremiah 29:14

Topa in kong cih-inah, note in nong mu ding uh a, na saltan’na uh hong bei sakin, kong hawlkhiatna gam khempeuh leh mun khempeuh panin kong kaikhawm kik ding a, note kong lak khiatna gam mahah kong tun’pih kik ding hi, Topa in kong ci hi.

Jeremiah 23:8

‘a hawlkhiatna leilu lam gam leh gam dangte khempeuh panin Israel mite’ suan leh khakte pai khiatpih a, a makaih Topa a nuntak bangin,’ ci-in a kiciam zaw ding uh hi. Tua ciangin amaute, amau’ gamsung mah ah a teeng ding uh hi,” a ci hi.

Jeremiah 23:3

Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Thu-hilhkikna 30:4

A kihawlkhia na mite uh vanmong pekah a om leh zong, Topa na Pasian un tua lai panin note hong khawmin, tua lai panin amah in hong paipih kik ding hi;

Jonah 4:3

Tua ahih ciangin Topa aw, tu-in ka nuntakna hong la in, ci-in kong thuum hi: bang hang hiam cih leh ka nuntak sangin si leng kei adingin a hoih zaw hi,” a ci hi.

Daniel 9:7

Topa aw, nang na hih leh na dik a, ahih hangin kote ka hih uh leh a zumhuai-in ka gamta uh hi. Judah gam leh Jerusalem khua sunga teeng Israel mite khempeuh na tungah hong thuman lo uh ahih manin, a nai a gamla gam tuamtuamah na thehthang zo hi.

Thu-hilhkikna 30:1

“Note mai-ah ka koih, na teel ding uh thupha leh samsiatna, hih nate khempeuh note tungah hong tungin, Topa in note hong hawlkhiatna minamte lakah hih thute phawk kikin,

Mangmuhna 6:16

“Ko tungah hong cim in; tokhom tungah tu-in a om mi maitang pan ahi zongin, Tuuno’ hehna pan ahi zongin, hong liah in.

Jeremiah 40:12

Tua ciangin Judah mi khempeuh a kitheh thangna mun khempeuh panin Judah gamah hong ciahkik uh a, Mizpah khua Gedaliah’ kiangah hong pai uh hi. Lenggahzu leh khuakhal an tampi a kaikhawm uh hi.

Jeremiah 29:28

Bang hang hiam cih leh amah in Babilon khua-ate lai hong khakin, sawt veipi saltang ding na hih manun, inn lamin a sungah teeng un la, huan bawlin a sunga na ciin’te uh ne un, hong ci hi, ci-in na gen hi,’ ci-in Zefaniah kiangah lai na khak hi,” ci-a Shemai-ah kianga gen dingin Pasian in Jeremiah a sawl hi.

1 KUMPI MASATE 19:4

Ahih hangin amahmah gamlakah ni khat lam pai-in poding kung nuai khatah tu hi; tua ciangin amah in a sih nading ngenin, “Pha zo hi; tu-in Topa aw, ka nuntakna hong la ta in; bang hang hiam cih leh keimah in ka pate sangin ka hoihzaw kei hi,” a ci hi.

Jeremiah 6:9

A vanglian Topa in kei hong hopih-a, “Lenggah lo-a a sanghte a kilawh kik bangin Israel mi a omlai sun teng losiang vet in,” hong ci hi.

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Micah 2:3

Tua ahih ciangin Topa in hih bangin ci hi: Note tungah gimna tun’sak ding ka ngaihsun a, tua gimna tawh na kipelh thei kei ding uh hi. Note’ adingin hun hoih lo hi ding ahih manin, na kiphatsak gamtat nawn kei ding uh hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Jeremiah 44:2

“A vanglian Topa, Israel mite’ Pasian in kong gen-inah: Note in Jerusalem khua leh Judah gam khuapi khempeuh tungah ka tun’sak gimna na mu zo uh hi. En un, tu ni-in tua khuate a siasa mahin om lai-a kuamah teeng lo hi.

Jeremiah 44:6

Tua ahih manin Judah gam khuapite’ sung leh Jerusalem khua kongzing lakah ka hehna leh ka thangpaihna ka bua-a ka kuangsak hi. Tu ni-a na muh uh bangin tuate kisia-in gamlak suak khin ta hi.