Jeremiah 8:22 - Tedim Bible

²² Gilead-ah zatui om lo ahi hiam? Zato siam om lo ahi hiam? Bang hanga ka mite dam thei lo uhahi hiam?

Tedim Bible Revision 2017

²² Gilead ah zatui om lo ahi hiam? Zato siam om lo ahi hiam? Bang hangin ka mite dam thei lo ahi uh hiam?

Jeremiah 8:22 Referans Kwoze

Jeremiah 46:11

Gilead gamah pai un la, damna zatui va la un, Izipt-te’ nungakte aw! Zatui tampi na zat khit uh hangin, damna na ngah kei uh hi.

Piancilna 37:25

Tua ciangin amaute an ne dingin tu uh hi; a khuadak toh uh leh Gilead panin Ishmael mite a kalaohte uh tawh singnai, lingsi, Mirrah paknamtui pua-in Izipt-ah puak suk dinga a pai mu uh hi.

Jeremiah 51:8

Thakhat thu-in Babilon puk a, kisiagawp hi. Amah kah ngutngut un! A liammate adingin zatui la un; dam zo kha thei lai ding hi.

Luka 8:43

Tua lai takin, kum sawm leh kum nih tawntung si luang cinatna vei a, a neihsa tengin zatote a guaih hangin kuamah in a damsak zawh loh numei khat in,

Piancilna 43:11

Tua ciangin a pa uh Israel in amaute' kiangah, “A tuaci bang ding a hih leh hih bangin gamta un: gamsunga singgah limci pente na ip sung uhah pua un la, mipa' tungah letsong-in lingsi tawm, khuaizu tawm, singnai, mor paknamtui, pistakhio gah leh almond gahte puaksuk un.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.

Gamlak-vakna 32:1

Tu-in Reuben minamte leh Gad minamte in ganhing hon tampi nei uh hi; amaute in Jazer gam leh Gilead gam mu uh a, en in: a gam in gan gam ahi hi.

Jeremiah 6:7

Tuikhuk panin tui siang hong phul bangin, Jerusalem khua panin siatna phul hi. Khua sungah ngongtatna leh kisuksiatna ka za ngitnget a, cinatna leh liamnate ngentang ka mu hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Jeremiah 22:6

Bang hang hiam cih leh Judah kumpi inn tawh kisai-in Topa in kong cih-inah: Nangmah in Gilead gam bangin ahi zongin Lebanon mualvum bangin ahi zongin na hoih hi. Ahih hangin nang sehnel gam kong suaksak ding a, kuamah teen’ lohna khua kong suaksak ding hi.

Ezekiel 27:17

Judah leh Israel gam mite in zong na van leina-in mangbuh, oliv thau leh theipal, khuaizu leh singnamtui tuamtuamte hong pia uh hi.