Jeremiah 8:19 - Tedim Bible

¹⁹ Ngai un, gamsung mun khempeuh panin ka mite’ tanute kap uh hi: “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawng kik a, “Bang hangin a milim bawl tawmte uh leh a gamdang milimte uh tawh kei hong hehsak uh ahi hiam?” a ci hi.

Tedim Bible Revision 2017

¹⁹ Ngai un, gam sung mun khempeuh ah ka miteʼ tanute kap uh a, “Zion khua ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawl tawmte le a gamdang milimte uh tawh kei hong hehsak ahi uh hiam?” a ci hi.

Jeremiah 8:19 Referans Kwoze

Isaiah 39:3

Tua ciangin Kumpipa Hezekiah kiangah kamsangpa Isaiah hong pai-in, “Hih mite in bang gen ahi hiam? Koi lai panin nang kiangah hong pai ahi hiam?” a ci hi. Hezekiah in, “Amaute, a gamlapi, Babilon gam panin kei kiangah hong pai uh ahi hi,” a ci hi.

Isaiah 13:5

Leitung buppi susia dingin Topa leh ama hehna galhiamte gamlapi van mong panin hong pai hi.

Mangmuhna 2:1

“Efesa khua-ah a om pawlpi’ vantungmi kiangah hih bangin gelh in. ‘A khut taklamah aksi sagih tawi-in, kham meivak sagih laizangah a pai kawikawipa’ thupiakna in:

Obadiah 1:17

Ahih hangin Zion mualah pawlkhat a suakta ding uh a, mun siangtho a suak ding hi. Jakob innkuante in amau gam mah a luah kik ding uh hi.

Joel 2:32

Tua ciangin Topa’ min tawh thu a ngen khempeuh in, gupkhiatna ngah ding uh hi. Topa’ gensa mah bangin, Zion Mual leh Jerusalem khua sungah a suakta mi om ding uh hi. Topa in a sap mite suakta ding uh hi.

Jeremiah 31:6

Bang hang hiam cih leh Efraim mualtung panin gal vilte in, ‘Tho un! Zion khua-ah, Topa, i Pasian kiangah va pai ni,’ ci-a hong kiko hun uh hong tung ding hi,” a ci hi.

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Isaiah 52:1

Zion aw, khanglo in, khanglo in la, na tha khauhsak in; khuapi siangtho Jerusalem aw, na puan hoihte silh in; bang hang hiam cih leh vun ki-at lo mite leh a nin mite nang sungah hong pai nawn lo ding hi.

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Isaiah 1:4

Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

Late 149:2

Amah a Bawlpa’ tungah Israel lungdam hen la, amau Kumpipa’ sungah Zion mite kipak ta hen!

Late 146:10

Zion aw, nangma Pasian Topa in khang tawntungin uk ding hi. Topa phat un!

Late 135:21

Jerusalem inn-a a nei, Zion-a om Topa in thupha ngah ta hen! Topa phat un!

Jeremiah 9:16

Amaute le a pute a pate’ theih ngei lohna gamdangah ka kithehthang sak ding a, a sih khit dong uh namsau ka nungdelh sak ding hi,” a ci hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Late 31:6

Mawkna milim a thupi ngaihsutte na mudah hi; ahih hangin ke’n Topa ka muang hi.

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Jeremiah 7:19

Topa in kong cih-inah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in thuak uh hi zaw lo ahi hiam?

Jeremiah 8:20

Mite in, “An lah kila khin zo a, khuakhal hun zong bei ta a, eite lah hong kihon nai kei lailai hi,” a ci uh hi.

Jeremiah 10:15

Kiman’na nei lo, a haihuaipi hi a, a kidaantah ni ciangin a kisia ding uh hi.

Jeremiah 14:9

Bang hangin mi lungkia gawp bangin omin, a honkhia thei lo galkappa bangin om na hi hiam? Ahih hangin Topa aw, kote’ laizangah nangmah na om-a, nangma’ min-in kote hong kisam hi; hong nusia kei ta in,’ hong ci uh hi.”

Jeremiah 27:10

Bang hang hiam cih leh note’ kianga hong gen uh thu in zuauthu hi a, tua hangin na gam uh panin gamla pi-ah note hong kipai khiatpih ding hi. Keimah in note kong hawlkhia ding a, note na si ding uh hi.

Jeremiah 32:30

Bang hang hiam cih leh Israel mite leh Judah mite in a neu lai pek uh a, kipan ka muhna-ah siatna bekbek a bawl uh a, keimah Topa in kong cih-inah, Israel mite in a khut uh tawh milim a bawlna uh hangin kei hong heh sak uh hi.

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Micah 4:9

Bang hangin tu-in nakpi-in kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Late 137:1

Zion khuapi i ngaihsut khak ciangin Babilon luite gei-ah eite tusukin i kapkap hi.

Zefaniah 3:15

Topa in na galte hong paihkhiatsak khin a, hong langpang khempeuh hong hawlkhiatsak khin hi. Topa ahi Israel Kumpipa in nang tawh hong om a, na lau nading thu om nawn lo hi.

Zekhariah 2:9

Topa mahmah in note hong su ding a, ni danga note’ na hong sepsak mite in tu-in note’ nate hong lehsuh kik ding uh hi,” hong cisak hi. Hih bangin thu hong pian’ ciangin Vanglianpen Topa in kei hong sawl lam tak na thei ding uh hi.