Jeremiah 8:18 - Tedim Bible

¹⁸ Ka dahna dam thei lo a, ka lungsim na mahmah hi.

Tedim Bible Revision 2017

¹⁸ Ka dahna dam thei lo a, ka lungsim na mahmah hi.

Jeremiah 8:18 Referans Kwoze

Kah la 5:17

I lungsim mahmah cina a, khitui in i mit hong mialsak hi.

Jeremiah 6:24

Tua thu i za khin zo a, bangmah i cih thei kei hi. Lungkhamna in hong hencip a, nupi nau suak ding bangin na i sa hi.

Isaiah 22:4

Tua ahih ciangin keimah in, “Kei hong en kei un la, khitui tampi luangin nakpi-in hong kapsak un; ka mite tampi a sihna hangin keimah hehnem ding hong hanciam kei un,” ka ci hi.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Late 143:7

Topa aw, kei hong dawng mengmeng in! Kei ka cimawh ta hi! Leihawm sung misite kiang-a paisukte tawh ka kibat loh nadingin kei kiang panin na maitang seel kei in.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Jeremiah 23:9

Kamsangte tawh kisai-in: Topa’ hang leh ama’ thu gen kammal siangthote’ hangin ka sungah ka lungsim kitam kham a, ka guh ka tang a liing hi. Zu tam ne lua-a a kham mipa tawh ka kibang hi.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.