Jeremiah 8:17 - Tedim Bible

¹⁷ Bang hang hiam cih leh en un, no lakah gul kong khah ding hi. A kikhim zo lo gulgu neite kong khah ding a, note hong tu ding uh hi,” Topa in hong ci hi.

Tedim Bible Revision 2017

¹⁷ “Bang hang hiam cih leh en un, note lakah gul kong khah ding hi. A kikhim zo lo gul guneite kong khah dinga, note hong tu ding hi,” Topa in a ci hi.

Jeremiah 8:17 Referans Kwoze

Thuhilh-sia 10:11

Gul khiim thei napi-in i khiim kei leh, a kiman’na om tuan lo hi; gul in hong tu veve ding hi.

Thu-hilhkikna 32:24

gilkialna tawh amaute bei ding uh a, meikuang sa mahmah leh gu nei natna in amaute ne-tum ding hi; keimah in amaute a pet dingin ha hiam a nei gamsate, amaute a tu dingin gu a nei gulte ka sawl ding hi.

Gamlak-vakna 21:6

Tua ciangin Topa in mite lakah gul gu-phate khah a, tuate in mite tu-in Israel mi tampi si hi.

Mangmuhna 9:19

Tua sakolte’ vangliatna in a kam sung uhah ahi zongin, a mei uhah ahi zongin a om hi. A meite uh gul tawh kibang uh a, lutang nei-in gimna a bawl thei uh hi.

Amos 9:3

Karmel mual dawnah a buk uh hangin, amaute zongin ka man khia ding a, kei kiang panin tuipi tawng sungah bu ta le uh zong, tuipi gulpite in a tuk nading thu ka pia ding hi.

Amos 5:19

Humpinelkai kihta-in a taikhiat hang, vompi a tuakpa tawh kibang ding hi. Tua ahih kei leh, mi khat inn-ah hong tai a, a kawm-ah a khut a ngak ciangin gul in a tuk tawh kibang ding hi.

Isaiah 14:29

“Filistia mite khempeuh aw, note hong kisatna ciangkhut a kitan manin lungdam kei un, bang hang hiam cih leh singbul panin a sel a om mah bangin gulpi a sih khit ciangin, a siahuai-zaw gul gunei hong om ding a, tuate pen a leng thei gulpi hong hi ding uh hi.

Late 58:6

Pasian aw, amau kam sunga hate sutan in la, humpinelkai khanglai hatute botkhia in, Topa aw.