Jeremiah 8:16 - Tedim Bible

¹⁶ Leilu lam Dan khua pek panin galte’ sakol nak ging kiza hi; a sakol hatte’ hamna awging in gam teng lei teng liingsak hi. Amau in i gam leh a sunga om teng tawh khuapi leh a sung-a teeng teng tawh a hong susia khin ding uh hi,’ a ci ding uh hi.

Tedim Bible Revision 2017

¹⁶ Leilu lam Dan khua pek panin galteʼ sakol nak ging kiza hi. A sakol hatteʼ hamna awging in gam le lei liingsak hi. Amaute in i gam le a sunga om teng, hong susia khin ding uh hi,’ a ci ding uh hi.

Jeremiah 8:16 Referans Kwoze

Thukhente 18:29

Amaute in tua khuapi min pen Israelte sungah a suak amau’ pian’na Dan tamin Dan phuak uh hi; ahih hangin a masa-in tua khuapi min in Laish ahi hi.

Thukhente 5:22

“Tua ciangin sakolte khe, a koptaina, a sakol hangte koptaina ging hi.

1 KORIN MASA 10:28

Ahi zongin mikhat in, “Hihte milim biakna sa ahi hi,” ci-in hong gen leh, tua hong lak mi na khualna uh leh kitheihna lungsim tawh ngaihsunin na ne kei un.

1 KORIN MASA 10:26

Bang hang hiam na cih uh leh, leitung leh leitung-ah a om khempeuh in Topa’ aa ahi hi.

Habakkuk 3:10

Mualliante in nang hong muh ciangin liing uh a, van panin guah tampi hong zu hi. Lei nuai-a om tuite ging zuazua a, a tuihualte in sangpipi banto hi.

Nahum 3:2

Ngai un; sakol kisatna a ging, leh leengpei kigawi sakol kop taina khe ging, leh sakol leeng tuan lauhlauh gingte;

Jeremiah 47:3

Sakol khe gingte za-in, sakol leeng gingte leh a pei kigawi gingte a zak uh ciangin, pate in a khut uh zaw lua ta ahih manin a tate uh a don zo nawn kei uh hi.

Jeremiah 10:25

Nangmah hong thei lo gamte tung leh nangma’ min a hong lo ngeilo mite’ tungah na hehna sungsuk in; bang hang hiam cih leh amaute in Jakob’ suan leh khakte that mangin a ma’ teen’na susia khin uh hi.

Jeremiah 6:23

Thal leh teipi tawi uh a, giloin hehpihna lungsim nei loin, a husa uh tuipi ging tawh kibang hi. Zion’ tanu aw, amaute sakol tungah tuangin, nangmah do dingin a kithawi uh hi!” a ci hi.

Jeremiah 4:24

Mualte ka et leh kiliing damdam uh a, mualneute kileh kawikawi uh hi.

Late 24:1

Leitang leh a tunga omte, leitung leh a tunga teengte in Topa aa hi;

Thukhente 20:1

Tua ciangin Israel mite khempeuh, Gilead gam zong a kihel, Dan panin Be-ersheba dong hong kuankhia uh a, Topa' kiang Mizpah-ah mihing khat bangin mihonte hong kikhawm uh hi.

JOB (Job) 39:20

Sakolte, kauphe bangin diangsak thei-in, mite’ kihtak dingin phitsak thei na hi hiam?

Jeremiah 3:24

“Ahih hangin i neu lai-a kipan a zumhuai Baal pasian i biakna hangin i pute i pate’ nasep sa ahi tuute leh bawngte, a tapate le a tanute uh khempeuh i sum khin zo hi.

Jeremiah 5:17

Amaute in lo-a na ante leh na an huante uh hong gaihsak ding uh a, na tapate leh na tanute uh hong thahsak ding uh hi. Na tuu honte leh na bawng honte uh hong gaihsak ding uh a, na lenggahte leh na thei gahte uh hong nek mangsak ding uh hi. Na muan’ mahmah kulhpi tawh a ki-uum na khuapite uh, namsau tawh hong suksiat sak ding uh hi.”

Jeremiah 30:5

“Topa in kong cih-inah: Launa leh patauhna aw ka za a, lungnopna aw ka za kei hi.

Jeremiah 30:16

Tua ahih manin no hong thatte kithat ding a, na galte khempeuh uh sal-in kiman khin ding hi. No hong buluhte kibuluh ding a, a hong mante, matin om zaw ding uh hi.

Jeremiah 50:42

A thal uh leh a teipi uh tawi uh a, giloin hehpihna lungsim nei lo uh hi. A husa uh tuipi ging bang hi a, sakol tungah tuangin Babilon mite aw, nangmah do dingin a kithawi uh hi!

Jeremiah 51:29

Babilon gam in na sa-in, kitom-in a liing hi; bang hang hiam cih leh ama tunga Topa’ ngimna a tangtung a, Babilon gam simtham suak sakin kuamah a teengsak kei hi.

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.