Jeremiah 8:15 - Tedim Bible

¹⁵ Nopna i zonga nopna hong pai lo hi. Cidamna i lamen-a siatna bek i ngah hi.

Tedim Bible Revision 2017

¹⁵ Nopna i zong a, nopna i ngah kei hi. Cidamna i lamen a, siatna bek i ngah hi.

Jeremiah 8:15 Referans Kwoze

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Micah 1:12

Topa in Jerusalem kulh kongpi ciang dongah, gimna lianpi tungsak ta ahih manin Maroth khuamite in thuhoih lamenin gim uh hi.

Jeremiah 8:11

Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 4:10

Tua ciangin keimah in, “Aa, Topa Pasian aw, nangmah in hih mite leh Jerusalem khuamite khem cih tak-in na khem khin zo hi. Bang hang hiam cih leh amau’ kiangah, ‘Nopna hong om ding hi,’ ci napi cin, amau a sunlum dingin namsau khat a om gige hi,” ka ci hi.

JOB (Job) 30:26

Lungdamna leh khuavakna ka lamet lai takin, lungkhamna leh khuamialna hong tung zawsop hi.

Jeremiah 6:25

Gamlakah paikhia kei un la, lampi ah zong pai dah un; bang hang hiam cih leh i galte in namsau a tawi uh a, i kimkot khempeuh lauhuai khin hi.

Jeremiah 12:12

Sehnel gam mualsang panin a susia dingte hong pai zo uh hi. Gam mong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Ezekiel 7:25

Lungkhamna na tuah uh ciangin lungnopna na zong ding uh a, ahi zongin na mu kei ding uh hi.