Jeremiah 8:14 - Tedim Bible

¹⁴ “Tua ciangin mite in, ‘Bang hangin tutu lai i hi hiam? Kikai khawm un la, khuapi muanhuaite va beel ni, tua laiah va si ni; bang hang hiam cih leh Topa tungah i mawh manin Topa i Pasian in eite a si dingin hong koih khin zo hi, i dawn dingin gutui hong piakhin zo hi.

Tedim Bible Revision 2017

¹⁴ “Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai ah va si ni. Bang hang hiam cih leh Topaʼ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Jeremiah 8:14 Referans Kwoze

Jeremiah 23:15

Tua ahih manin tua kamsangte tawh kisai-in a vanglian Topa in kong gen-inah: “En un, keimah in amaute gamsai tawh ka vak ding a, gu kisawh tui ka dawnsak ding hi. Bang hang hiam cih leh Jerusalem khua kamsangte’ kiang panin gamsung mun khempeuh ah Pasian zahtak lohna hong kizel hi,” a ci hi.

Jeremiah 9:15

Tua ahih manin a vanglian Topa, Israel mite’ Pasian in kong cih-inah: En in, hih mite gamsai-in ka vak ding a, gutui ka dawnsak ding hi.

Kah la 3:19

Gimna ka thuak nate leh inn leh lo nei lo-a ka omna in gu kha bang hi a,

Jeremiah 35:11

Ahih hangin Babilon kumpipa Nebukhadnezzar in hih gam hong sim ciangin kote in, ‘Hong pai un. Khaldea galkapte leh Siria galkapte kihta i hih manin Jerusalem khua-ah pai ni,’ ka kici uh a, tua mah bangin tu-in Jerusalem khua-ah ka teeng uh hi,” a ci uh hi.

Mattiu 27:34

zatui kha tawh kihel leenggahtui a dawn dingin Zeisu a piak uh hangin, a ciap ciangin a dawn nuam kei hi.

Late 69:21

Amaute in an dingin gu hong pia uh a, ka dangtakna-ah dawn dingin tuithuk hong pia uh hi.

2 SAMUEL NIHNA 20:6

Tua ciangin David in Abishai kiangah, “Tu-in Bikhri’ tapa Sheba in Absalom sangin eite tungah siatna tamzaw hong bawl ding hi; na topa’ nasemte la in la, amah delh in, tua hi kei leh amah in ama adingin khuapi muanhuaite ngahin eite tungah buaina hong piang sak ding hi,” a ci hi.

Thu-hilhkikna 29:18

-

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Habakkuk 2:20

Topa, a biakinn siangtho sungah om hi; leitung mi khempeuh, ama mai-ah dai dide-in om ta hen.

Amos 6:10

Mi khatpeuh a sihna inn panin, mi si pua khia-in a vui dingin, a behte khatpeuh hong pai ciangin, innsung tawng-a a bu mi khatpeuh kiangah, “Hih lai-ah a si dang a om hiam?” ci-in a dot ciangin, “Om lo hi, pau kei in. Topa’ min na lawh khak ding kidawm in,” ci-in kidawng kik ding hi.

Jeremiah 14:20

Topa aw, ka gitlohna uh leh ka pute ka pate’ gitlohna uh kong pulak uh hi. Bang hang hiam cih leh nang’ tungah kong mawh khin uh hi.

Late 39:2

Pau loin ka dai om a, ka dai omna a mawkna hi; ka thuakna khang semsem a,

Thu-hilhkikna 32:32

Bang hang hiam cih leh amau’ leenggui in Sodom leenggui pan leh Gomorrah lote panin hong pai ahi hi; amau’ leenggahte in gu a nei leenggah hi a, amau’ leenggah bawkte a kha hi;

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Isaiah 47:5

Babilon aw, gamdai takin tu in la, khuamialna sungah pai in; bang hang hiam cih leh nang pen, kumpi gamte’ kumpinu hong kici nawn lo ding hi.

Jeremiah 3:25

Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Jeremiah 9:14

amau’ lungsim’ deihna zui tentan-in a pu a pate-uh’ hilhna bangin Baal nung a zuih man uh ahi hi.