Jeremiah 8:13 - Tedim Bible

¹³ Topa in kong cih-inah, amaute ka susia khin ding a, a lote uhah lenggah a om nawn kei ding hi; thei in zong gah a nei nawn kei ding hi. A tehte nangawn a keu ding a, amaute ka piaksa nate a bei ding hi.

Tedim Bible Revision 2017

¹³ “Topa in kong cih in ah, amaute ka susia khin dinga, a lote uh ah leenggah a om nawn kei ding hi. Thei in zong gah a nei nawn kei ding hi. A tehte nangawn keu dinga, amaute ka piak sa nate a bei ding uh hi.

Jeremiah 8:13 Referans Kwoze

Mattiu 21:19

Lampi geiah theikung khat a muh ciangin a kiangah a va pai leh, a teh longal bangmah a mu kei hi. Zeisu in, “Tu-a kipan gah loin om tawntung in,” a cih ciangin theikung dinggaw pah hi.

Joel 1:7

Amaute in i leenggui teng susia a, i theikung teng ne tum uh a, a hiangte kang sengsang hi.

Jeremiah 17:8

Amah in gun gei-a kisuan singkung bang hi a, lui geiah a zung kha hi. A tehte hing den ahih manin nisa kihta lo hi. Kitatsat loin gah den ahih manin guah zuk loh kum ciangin zong lungkham tuan lo hi.

Jeim 1:11

Ni in a satna tawh hong suah ciangin lopa kung in keugaw a, a paak a vul thei a, a kilawmna a meelte zong a mangthang thei hi. Tua mah bangin sumhau mi in ama nate-ah vulin a mangthang ding hi.

Haggai 2:17

Na an ciin’ khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lai lai uh hi, Topa in ci hi.

Haggai 1:11

Keimah in gam sung teng, mual tung khempeuh, lo khempeuh, leenggui lo khempeuh, oliv cin’na lo khempeuh, leitang pan-a piang kung khempeuh, mihing, ganhing, leh mite’ nasepna khempeuh ah keuna ka tungsak hi,” a ci hi.

Habakkuk 3:17

Thei gahte hut khin a, leengguite a gah kei zongin, olive kungte gah lo a, lo-ah an a piang kei zongin, tuu khempeuh si khin a, ganbuk khempeuh a hawm khin zongin,

Jeremiah 5:17

Amaute in lo-a na ante leh na an huante uh hong gaihsak ding uh a, na tapate leh na tanute uh hong thahsak ding uh hi. Na tuu honte leh na bawng honte uh hong gaihsak ding uh a, na lenggahte leh na thei gahte uh hong nek mangsak ding uh hi. Na muan’ mahmah kulhpi tawh a ki-uum na khuapite uh, namsau tawh hong suksiat sak ding uh hi.”

Isaiah 5:10

Bang hang hiam cih leh leenggah lo eeka sawm in phelpi khat dim bek gah ding a, khaici beem khat in an seu khat bek piangsak ding hi.”

Siampi Laibu 26:20

na leitang un ama gah piangsak loin, na gam sung uh a, kungte in amau gah gah lo ding ahih manin note’ thatang a mawkna-a bei hi ding hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Hosea 2:12

Ka pasal it dangte in thaman-a hong piak hi, ci-a a gen leengguite leh a theikungte ka susia ding a, gamsate in tuate suksiatsakin gamlakpi suak ding hi.

Jeremiah 14:15

Tua ahih ciangin ka sawl lohpi, ‘Hih gam sungah namsau ahi zongin, kial ahi zongin hong tung lo ding hi,’ ci-a kei’ min suanga thu a gen kamsangte tawh kisai-in Topa in ka cih-inah, namsau leh kial tawh hih kamsangte a si khin ding uh hi.

Ezekiel 22:31

Tua ahih ciangin amaute’ gamtatna tawh kizui-in daan piakna-in amaute tungah ka hehna khahin, mei in a kat bangin amaute ka maimangsak ding hi, Topa Pasian in ci hi,” hong ci hi.

Malakhi 3:11

Lo panin a piang na ante uh, kauphe ka nesak nawn kei ding a, na leenggui uh gah pha mahmah ding hi.