Jeremiah 8:11 - Tedim Bible

¹¹ Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Tedim Bible Revision 2017

¹¹ Amaute in ka miteʼ thuaknate thupi simsak lo uh a, hoihna a om keei lopi, ‘Hoih hi, hoih hi,’ ci mawkmawk uh hi.

Jeremiah 8:11 Referans Kwoze

Jeremiah 6:14

Amaute in ka mite’ thuaknate thupisim sak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

1 KUMPI MASATE 22:13

Tua ciangin Mikaiah a sam dingin a pai kamtaipa in ama kiangah, “En in, thu kikhatin kamsangte’ thugen in kumpipa’ adingin a hoih lam ahi hi; amaute’ thugen bangin nang zong gen in la, a hoih lamin gen in,” a ci hi.

1 KUMPI MASATE 22:6

Tua ciangin Israel kumpipa kamsangte mihing zali bang khawmin amaute tungah, “Ramoth-gilead a sim dingin ka kuan ding hiam, ahih kei leh ka thuak ding hiam?” a ci hi. Amaute in, “Kuanto in; bang hang hiam cih leh Topa i kumpipa’ khut sungah hong pia ding hi,” a ci uh hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Jeremiah 8:15

Nopna i zonga nopna hong pai lo hi. Cidamna i lamen-a siatna bek i ngah hi.

Jeremiah 14:13

Tua ciangin keimah in, “Aa, Topa Pasian aw, en dih in, Kamsangte in amaute kiangah, ‘Note in namsau ahi zongin, kial ahi zongin na mu kha kei ding uh a, hih munah lungnopna kip Pasian in hong pia ding hi,’ a ci uh hi,” ka ci hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.