Jeremiah 7:6 - Tedim Bible

⁶ nam dang mite, pa nei lote leh meigongte na nuaisiah kei uh a, hih munah mawh nei lo mite that nawnloin, note’ gim nading mah ahi pasian dang peuh na biak nawn kei uh leh,

Tedim Bible Revision 2017

⁶ namdang mite, pa nei lote le meigongte na nuaisiah kei uh a, hih munah mawhnei lo mite that nawn loin, noteʼ gimna ding mah ahi pasian dang peuh na biak nawn kei uh leh,

Jeremiah 7:6 Referans Kwoze

Jeremiah 13:10

Ka thu hong ngai nuam lo-a, amau’ ngaihsutna bang bek-a a pai tentan nuam, pasian dangte’ nasem ding leh bia dinga a nung zuih hih mi gilote in zat theih ding ahi nawn lo, hih dialkaih bang ahi ding uh hi.

Thu-hilhkikna 8:19

Topa na Pasian uh mangngilhin pasian dangte nung zui-in tuate’ na semin na biak uh leh, na sia taktak ding uh hi, ci-in tu ni-in lim takin kong hilh khol hi.

Thu-hilhkikna 11:28

Topa na Pasian uh thupiaknate mang loin, na theih nai loh uh pasian dangte’ nung zui dingin tu ni-a no kong thupiak lampi panin na kihei khiat uh leh hamsia ahi hi.

Jeremiah 2:34

Mawhnei lo mizawngte’ sisan na puan tungah a baang hi; amaute in na inn hong luh ngei beek lo uh hi. Tua bang teng hi napi-in,

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Jeremiah 19:4

Bang hang hiam cih leh hih mite in kei hong taisan khin zo uh a, amaute-a kipanin a pu a pate uh leh Judah kumpite’ theih ngei loh pasian dangte’ kiangah paknamtui a hal uh a, hih mun a ninsak uh hi. Hih mun mawhna nei lo mite thahna sisan tawh a dimsak uh a,

Isaiah 59:7

Siatna bekbek na gelgel uh a, na hih ding uh na ngaklah mahmah uh hi. Mawh nei lo mite sisan luan ding haksa na sa kei uh hi. Na paina khempeuh uhah siatna vive om kawikawi hi.

Thu-hilhkikna 27:19

“‘Peemta, pa nei lo, leh meigong numeite ading thutang a heikhiatsak mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Thu-hilhkikna 24:17

“Peemta ahi a, pa nei lo mi thu ahi zongin tuate ading thutang na heisak kei ding uh a, meigong numei’ puan zong khapna na-in na lak sak kei ding uh hi;

Mattiu 27:25

Mi khempeuh in, “Ama si in ko tung leh ka tu ka tate tungah om tawntung ta hen,” a ci uh hi.

Mattiu 27:4

“Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Ezekiel 18:6

Amah in Israel mite’ milim biakte biakpih lo a, milim biakna pia lo ding ci-in a kikhamna mun-a milim biakna sate zong ne lo hi. Midangte’ zi zong luppih dingin zol lo a, numei in nin a neih lai takin zong luppih lo hi.

Kah la 4:13

Hih thu a hong piang hi. Kamsangte leh siampite in mawhna a bawl manun mi siangtho midikte’ sihna a hong piang hi.

Jeremiah 26:23

amau in zong Izipt gam panin Uriah manin Jehoiakim kumpipa’ kiangah a puak uh hi. Amah in tua pa namsau tawh that-in a luanghawm mi mawkmawkte’ kivuina munah a paai hi.

Jeremiah 26:15

Kei nong thah uh leh bel, mawhnei lo mi khat na thah manun note mahmah-a kipan hih khuapi leh a sunga teengte in na thuak ding uh hi, cih thei ta un. Bang hang hiam cih leh na bil mahmah a, na zak dingun hih thute a gen dingin Topa’ hong sawl taktak ka hi hi,” a ci hi.

Jeremiah 7:5

“Bang hang hiam na cih uh leh na nuntakzia uh leh na gamtatnate uh na kikhel uh a, khat leh khat kikal-ah thuman thutak-a na vaihawm uh leh,

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Late 106:38

amaute in, Kanaan gam milimte a biakna-un, mawhna nei lo a tanute uh leh a tapate uh that uh a, hih mi thahna hangin gamsung a nin a suak hi.

2 KUMPI NIHNATE 21:6

Tua ciangin amah in biakna-in a tapa hal a, aisanna leh mai lam thugen kholhnate semin, vankahtheite leh aisante tawh nasem hi. Amah in Topa’ muhna ah a sia tampi gamta a, Amah hehsak hi.

Siampi Laibu 25:17

Note khat leh khat kikhem loin na Pasian uh na zahtak ding uh hi; bang hang hiam cih leh keimah in Topa na Pasian uh ka hi hi.

Jeremiah 5:28

thau-in a mai uh zol hi. Gitlohna lamah a hun bek a theithei kei uh hi. Tagahte’ phattuam nading khual loin thu a man lo pi-in khen uh a, mizawngte tungah thuman lo uh hi.

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Siampi Laibu 19:33

“Na gam sung uhah note lakah khualmi khat hong peem leh, note in ama tungah a man loin na gamta kei ding uh hi.

Paunak 23:10

Taanglai gi-suang khin kei in la, tagahte’ leitang va keek kei in.