Jeremiah 7:30 - Tedim Bible

³⁰ “Bang hang hiam cih leh, Topa in kong cih-inah, Judah mite in hoih ka sak loh nate a hih khin zo uh hi. Ka min tawh a kilo ka biakinn a nit sak nadingun kihhuai milimte a koih uh hi.

Tedim Bible Revision 2017

³⁰ “Bang hang hiam cih leh, Topa in kong cih in ah, Judah mite in hoih ka sak loh nate a hih khinzo uh hi. Ka min tawh a kilo ka biakinn a nitsak nadingun a kihhuai milimte a koih uh hi.

Jeremiah 7:30 Referans Kwoze

Ezekiel 7:20

Amaute in a kiphatsakpih uh kizepna a manphate, a muhdahhuai milim dingin bawl uh hi. Tua ahih manin amaute’ hauhna pen amau mah in a kih dingin ka bawl hi.

Jeremiah 32:34

Amaute in ka min tawh a kilo biakinn sung nangawn ah a kihhuai milimte a koih uh a, a ninsak uh hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

2 KHANG TANGTHU NIHNATE 33:7

Tua ciangin Pasian in David leh a tapa Solomon tungah, “Amaute ka thupiak khempeuh, thukham khempeuh, ngeinate, leh Moses tung tawnin a kipia biakna ngeina, kipte zuih ding a kidop nak uh leh, Israel minam khempeuh sung panin ka teelkhiat hih inn sung leh Jerusalem sungah ka min ka koih tawntung ding hi; tua ciangin na pu na pate uh adingin ka sehsa gam panin Israelte ka khinkhia nawn kei ding hi,” a cih Pasian’ inn sungah amah in ama bawlsa milim koih hi.

2 KUMPI NIHNATE 21:7

Tua ciangin Topa in David leh a tapa Solomon tungah, “Israel minam khempeuh sung panin ka teelkhiat hih inn sung leh Jerusalem ah ka min ka koih tawntung ding hi; amaute ka thupiaksa khempeuh tawh kizui, leh ka nasempa Moses in amaute a thupiak thukham khempeuh tawh kizui-in gamtat ding a kingaihsut nak uh leh, a pu a pate uh tungah ka piak gam sungah Israelte mi vakvai ka hi sak nawn kei ding hi,” a cihna inn sungah amah in ama bawlsa a kiseek Asherah milim koih hi.

2 KUMPI NIHNATE 21:4

Tua ciangin Topa in, “Jerusalem ah ka min ka koih ding hi,” a cihna Topa’ inn sungah amah in biakna taute lam hi.

Jeremiah 23:11

Topa in a cih-inah: “Kamsangte leh siampite in Pasian a zahtak kei uh hi. Ka biakinn sung nangawn ah amau’ gitlohna ka mu hi.

2 KHANG TANGTHU NIHNATE 33:15

Tua ciangin amah in Topa’ inn panin gamdang pasiante leh milim lakhia a, Topa’ inn mual tung leh Jerusalem a, ama lamsa biakna tau khempeuh lakhia-in, khuapi pua lamah tuate paai hi.

2 KUMPI NIHNATE 23:12

Tua ciangin Judah kumpite in a bawlsa ahi Ahaz’ inndei tungnung khumzang a, om biakna taute, leh Topa’ inn tual nihte’ sungah Manasseh in a bawlsa biakna taute, amah in phelin satnen a, tua a vuite Kidron lui-ah paai hi.

2 KUMPI NIHNATE 21:3

Bang hang hiam cih leh amah in a pa Hezekiah’ suksiatsa mual tunga biaknate lamkik hi; tua ciangin amah in Baal adingin biakna taute phut a, Israel kumpipa Ahab’ bawl bangin Asherah milim khat bawl a, vantung a, om nate khempeuh bia-in tuate’ na sem hi.

2 KHANG TANGTHU NIHNATE 33:3

Bang hang hiam cih leh a pa Hezekiah in a suksiatsa mual dawn-a biak piaknate amah in lamkikin, Baalte adingin biakna taute phut a, Asherah milimte bawlin vantung nate khempeuh bia a, tuate’ na sem hi.

Isaiah 66:4

Tua ahih ciangin amaute tungah gimna ka tungsak ding a, amau’ kihtak thute mah amau tungah ka tungsak ding hi. Bang hang hiam cih leh ka sap ciangin kuamah in hong dawng lo a, thu ka gen ciangin kuamah in hong ngai lo uh hi; keima thu man’ loh ding mah ut zaw uh a, a sia-in gamta uh hi, a ci hi.

Jeremiah 16:18

Amaute’ khialhna leh a mawhnate uh a zah nih-in ka thuk ding hi; bang hang hiam cih leh amaute in a muh thadah huai siluang hawmte tawh kibang milimte tawh ka gam a ninsak uh a, kihhuaina tawh ka gam a dimsak uh hi,” hong ci hi.

Jeremiah 32:35

En-Hinnom Mualkuam-ah a tapate leh a tanute uh meihal biakna tawh Molek pasian a biak nadingun Baal biakna tau sangte a bawl uh hi. Hih a kihhuai na semin, Judah mite mawhna a bawl sak nadingun amaute ka sawl kei a, zong ka ngaihsun kha ngei beek kei hi.

Daniel 11:31

A galkapte pawl khat in biakinnpi leh biakinnpi huang a niinsak ding uh hi. Amaute in nisim biak piaknate khawlsak ding uh a, Lipkhaphuai na a suang ding uh hi.

Ezekiel 8:3

A khut ding tawh a kibang pian khat in hong sawkin ka sam-in hong man hi. Tua ciangin hih ka maang sungin, Pasian’ Kha in vanah hong leen’pih to-in Jerusalem khuapi hong tun’pih hi. Tua lai panin, Pasian a hehsuahna ahi milim a omna mun, biakinn tual sungnung lutna, leilu lam kongpi-ah hong paipih hi.