Jeremiah 7:27 - Tedim Bible

²⁷ “Tua ahih manin Jeremiah aw, hih thute amau kiangah na va gen ding hi; ahih hangin amau in a hong ngai kei ding uh hi. Amaute na sap hangin a hong dawng kei ding uh hi.

Tedim Bible Revision 2017

²⁷ “Tua ahih manin Jeremiah aw, hih thute amau kiangah na va gen dinga, ahih hangin amau in a hong ngai kei ding uh hi. Amaute na sap hangin a hong dawng kei ding uh hi.

Jeremiah 7:27 Referans Kwoze

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Topa in ci hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte’ kiangah na pai ding a, kong sawl peuhpeuh na gen ding hi.

Isaiah 65:12

namsau tawh a si dingin kong seh ding a, hong that dingte’ mai-ah na ngawng uh na dawh ding uh hi; bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu, man’ loh ding mah na utzaw uh a, a sia na gamta uh hi.

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Jeremiah 1:19

Amaute in nang’ lang khatah hong do ding uh hi. Ahih hangin a hong zo kei ding uh hi; bang hang hiam cih leh, Topa in kong cih-inah, nangmah hong dal dingin kong ompih ding hi,” hong ci hi.