Jeremiah 7:24 - Tedim Bible

²⁴ Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Tedim Bible Revision 2017

²⁴ Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

Jeremiah 7:24 Referans Kwoze

Jeremiah 8:5

Tua ahih leh bang hangin hih mite lam khial-in nungkin paisuak lawmlawm uh ahi hiam? Amau in pasian zuau milimte lenkip uh a, hong kilehkik nuam lo uh hi.

Jeremiah 7:26

ahih hangin amau in ka thu hong ngai loin, a bil uh hong ngat lo uh a, a lung uh a khauhsak uh hi. A pute a pate uh sangin a siazaw uh hi.

Thu-hilhkikna 29:19

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian na a sem dingin Topa i Pasian kiang panin tu ni-in a lungsim a heikhia a om khak ding kidawm un; tua hi kei leh note lakah gu a nei gah kha a gah singkung hong bang ding a, hih kiciamna kammalte za napi-in a lungsim ah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih leh misia, a kibangin phiatkhiatna hong suak sak ding hi.

Ezekiel 20:13

Ahi zongin Israel mite in gamlak nangawn-ah kei hong dem uh a, a zui peuhpeuh in nuntakna a ngah nading uh ahi keima thukhamte leh ka thupiaknate nial uh hi. Ka sabbathte zong nakpi takin siasak uh hi. Tua ahih manin amaute a maiman’ nadingin ka hehna teng gamlakah a thuaksak gawp dingin ka kithawi hi.

Jeremiah 32:33

Amaute in kei hong nung ngat-in hong thudon lo uh a, ka hilh tawntung hangin ka hilhna a hong mang kei uh hi.

Hosea 4:16

A kizualsak zo lo bawngla bangin Israel mite phengphi uh ahih manin, lonona munah tuunote an vak bangin amaute bangci an vak ding ka hi hiam?

Ezekiel 20:21

“Ahi zongin a tate nangawn un kei hong dem uh hi. A zuite in nuntakna a ngah nading ahi ka thukhamte palsatin, ka thupiaknate mang lo uh a, sabbathte siasak uh hi. Tua ahih manin, ka hehna teng gamlakah thuaksak gawpin, amaute a sumai dingin ka kithawi hi.

Ezekiel 20:8

Ahi zongin amaute in kei hong demin, ka thugen hong ngai lo uh hi. A muhdahhuai a milimte uh paikhia tuan lo uh a, Izipt pasiante zong nusia lo uh hi. Tua hi a, ka heh mahmahna teng Izipt gam sungah thuaksak gawp ning ci-in ka ngaihsun hi.–

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Jeremiah 2:27

Amaute in singtawng khat kiangah, ‘Nang ka pa na hi hi,’ peuh a ci uh a, suangtum khat kiangah, ‘Ka pian’na ka nu na hi hi,’ peuh a ci uh hi. Bang hang hiam cih leh amaute in kei hong nungngat uh a, a hong maingat kei uh hi. Ahih hangin haksatna a tuah uh ciangin, ‘Tho in la, hong hon in,’ hong ci uh hi.

Nehemiah 9:29

Tua hi a, na thukham lamah amaute hong kihei kik nading lim takin amaute na hilhkhol a, ahi zongin amaute kihisakin na thupiaknate don lo uh hi; a zuite tungah nuntakna a pia thei ahi na ngeina kip tungah amaute khial uh hi. Lung khauhin phengphi-in amaute kiheikhia uh a, thu mang nuam lo uh hi.

Ezekiel 20:16

Tua bangin kiciamna ka bawlna pen, amaute in ka thupiaknate nialin, ka thukhamte zui lo uh a, ka sabbathte siasak uh hi. Amaute in kei hong biak ding uh sangin milim biak ding ut zaw uh ahihna hang ahi hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 9:14

amau’ lungsim’ deihna zui tentan-in a pu a pate-uh’ hilhna bangin Baal nung a zuih man uh ahi hi.

Jeremiah 13:11

Bang hang hiam cih leh dialkaih in mite’ kawng tungah a belh cinten mah bangin Israel mi khempeuh leh Judah mi khempeuh kei tungah hong belh cinten dingin ka bawl hi. Tua hi leh amaute ka mi ahi ding uh a, ka minthan’na, ka hoihna leh ka vangliatna ding ahi ding uh hi. Ahih hangin amau in ka thu hong mang lo uh hi, Topa in kong ci hi,” hong ci hi.

Jeremiah 16:12

Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Hong mang loin ka hilhna a theih loh nadingun a lung uh a khauhsak uh hi.

Jeremiah 18:10

amah in ka thu hong ngai lo-a hoih ka sak lohte a bawl teitei leh, ama tung-a hoihna bawl dinga ka sehsa pen ka kisikkik dinga ka bawl nawn kei ding hi.

Jeremiah 18:12

Amau in, ‘Tua bang gen kul lo hi. Ko’ ngimna bangin ka zui ding uh a, mi khempeuh in ama’ lungsim sia’ deihna bangin ka gamta ding uh hi,’ hong ci ding uh hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Hosea 10:6

Bang hang hiam cih leh Assiria gama kumpi lianpa tungah siah a piak dingin tua milim kipuakhia ding hi. Thu kigen zui-in milim a biakna hangun Israel mindai-in maizum ding uh hi.

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Late 81:13

Ka mite in ka thu hong ngai-in, ka deih bangin Israel gamta leh pawh!

Jeremiah 3:13

Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Jeremiah 13:10

Ka thu hong ngai nuam lo-a, amau’ ngaihsutna bang bek-a a pai tentan nuam, pasian dangte’ nasem ding leh bia dinga a nung zuih hih mi gilote in zat theih ding ahi nawn lo, hih dialkaih bang ahi ding uh hi.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.

Daniel 9:6

Ka kumpite uh, ko hong ukte uh, ka pu ka pate uh leh minam khempeuhte tunga na min tawh thu a hong gen na nasem kamsangte’ thu ka ngai kei uh hi.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.