Jeremiah 7:23 - Tedim Bible

²³ Ahih hangin, ‘Ka thu hong mang un; tua hi leh note’ Pasian ka hi ding-a, note in ka hoih zawk nadingin na khempeuh-ah kong thupiak bang na zui un,’ ci-in thu ka piazaw hi.

Tedim Bible Revision 2017

²³ Ahih hangin, ‘Ka thu hong mang un; tua hileh noteʼ Pasian ka hi dinga, note pen ka mite na hi ding uh hi. Note adingin a hoih zawk nadingin na khempeuh ah kong thupiak bang na zui un,’ ci-in thu ka pia zaw hi.

Jeremiah 7:23 Referans Kwoze

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Thu-hilhkikna 5:33

Note nungta-in, nuamsa-in, na tan’ ding uh leitangah sawtpi na nuntak nadingun Topa na Pasian un note hong thupiakna lampi khempeuh na tawn ding uh hi.

Jeremiah 42:6

Nang kong sawlna uh Topa i Pasian’ hong gen bangbang hoih taleh sia taleh ka mang ding uh hi. Bang hang hiam cih leh Topa i Pasian’ thu mang leng, ei’ adingin na hong hoih ding hi,’ a ci uh hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Thu-hilhkikna 6:3

Tua ahih ciangin Israelte aw, note nuamsa-in, Topa, na pate uh Pasian in note tungah hong ciamsa bangin bawngnawi leh khuaizu’ a luan’na gamah tampi pha-in na khan’ theih nadingun hih thute za un la, na zuih nadingun ngaihsun un.

Thu-hilhkikna 30:20

Topa na Pasian uh itin, ama thu mangin, amah beel un; bang hang hiam cih leh Topa in na pu na pate uh Abraham, Isaak, leh Jakob tungah piak dingin a kiciamsa leitangah note na teen’ theih nadingun tua in note adingin nuntakna leh khan’ sauna ahi hi,” a ci hi.

Thu-hilhkikna 13:4

Topa na Pasian uh nung zui-in, amah na zahtak ding uh a, a thupiaknate zui-in a aw na ngai ding uh a, ama na semin amah na beel ding uh hi.

Jeremiah 11:4

Na pute na pate uh, sik haltuina meikhuk tawh a kiang Izipt gam pana ka lakkhiat ni-a ka thuciammna ahi hi. Tua ni-in, ka thu hong ngai a, kong thupiakna bangin na sep uh leh, note ka mi na hi ding uh a, keimah in note’ Pasian hi-in,

Thu-hilhkikna 5:29

Amaute leh a suan a khakte uh a nopsak tawntung theih nadingin keimah zahtak ding leh ka thupiak khempeuh zuih ding hih bang ngaihsutna nei tawntung le-uh ka deih ahi hi.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

Thu-hilhkikna 30:2

Topa note’ Pasian kiangah note leh na suan na khakte uh pai kikin, na lungsim khempeuh uh leh na nuntakna khempeuh uh tawh tu ni-a note kong thupiak ahi ama thute na man’ uh ciangin,

Jeremiah 11:7

Bang hang hiam cih leh na pute na pate uh tungah Izipt gam pana ka lakkhiat pan-a kipan tuni ciang dong ka thu hong mang un, ci-in tam veipi, nakpi takin ka hilh ngitnget hi.

Thu-hilhkikna 30:8

Note in Topa’ thu mang kikin, tu ni-a note kong piak ama thupiaknate khempeuh na zui ding uh hi.

Thu-hilhkikna 4:10

“Na mit un a muhsa nate na nuntak sungun mangngilh kha-in, na lungsim panun paikhia kha ding ahih manin lim takin ngaihsunin hoih takin kikem un; Horeb a, Topa na Pasian uh mai-ah na din’ ni-un Topa in kei kiangah, ‘Leitungah a nuntak lai teng uh amaute in kei hong kihtak nading leh amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh leh na tate’ tate uh tungah kithei sak un.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Thu-hilhkikna 11:27

tu ni-a no kong thupiak ahi Topa na Pasian uh thupiaknate na zuih uh leh thupha hi a,

Thu-hilhkikna 5:16

“Topa na Pasian in hong piak leitang tungah na khan’ sau-in na nopsak theih nadingin Topa na Pasian in hong thupiak bangin na nu na pa zahtak in.

Paikhiatna 16:32

Moses in, “Hih in Topa’ thupiaksa ahi hi: ‘Izipt leitang panin note kong paikhiatpih lai-in gamlakah note kong vakna an amaute in a muh theih nadingun na khang tawntungun lawhta dim khat kem un,’ ci hi,” ci-in a gen hi.

1 SAMUEL MASA 15:22

Tua ciangin Samuel in, “ Topa in meihal biaknate leh biakpiaknate, Topa’ thu man’ ding zahin deih ahi hiam? En in, biakpiakna sangin thuman’ ding hoihzaw a, tuutal thaute sangin thungaih ding hoihzaw hi.

Late 40:6

Gan gawh biakna leh khawhsa tawh biakna na deih kei hi; ka bil nong hon’sak hi. Meihal biakna leh mawhmai biakna zong na kulsak kei hi.

Late 81:13

Ka mite in ka thu hong ngai-in, ka deih bangin Israel gamta leh pawh!

Isaiah 3:10

Amaute tungah thu hoih ding hi, ci-in thuman mite kiangah gen un, bang hang hiam cih leh amaute in amau gamtatna hoih a gah ne ding uh hi.

Jeremiah 13:11

Bang hang hiam cih leh dialkaih in mite’ kawng tungah a belh cinten mah bangin Israel mi khempeuh leh Judah mi khempeuh kei tungah hong belh cinten dingin ka bawl hi. Tua hi leh amaute ka mi ahi ding uh a, ka minthan’na, ka hoihna leh ka vangliatna ding ahi ding uh hi. Ahih hangin amau in ka thu hong mang lo uh hi, Topa in kong ci hi,” hong ci hi.

Jeremiah 22:3

Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Jeremiah 24:7

Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

Jeremiah 38:20

Jeremiah in, “Amaute kiangah nang hong kipia lo ding hi. Tu-a kong gen bangin Topa’ thu mang in. Tua hi leh nang adingin hoih ding a, na nuntakna hong kihu ding hi.

Zefaniah 3:2

Topa’ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Zekhariah 6:15

Gamlapi-a teeng mite hong pai-in Topa’ inn lam nasep hong huh ding uh hi. Tua biakinn a kilam kik ciangin Vanglianpen Topa in note kiangah kei a hong sawlna thu na thei ding uh hi. Topa na Pasian uh’ thupiaknate cing takin na zuih nak uh leh tu-a ka gen bangin hong piang ding hi.

Zekhariah 7:7

Jerusalem cithei-in a khua sungah mi tampi omin, leitaw lam gam, nitumna lam gam, a kim a pam khuapite-ah mi tampi teengin a om hun lai takin, tu-a mah bangin Topa in a kamsang masate’ tung tawnin a gensa thu ahi hi.

Thu-hilhkikna 4:40

Tua ahih ciangin note leh note khit-a na tate uh tungah thu hong nuamin, Topa na Pasian un a tawntung a, hong piak gam sungah na khan’ uh na sausak theih nadingun tu ni-a note kiangah kong gen ahi ama thukhamte leh a thupiaknate na zui ding uh hi,” a ci hi.

Thu-hilhkikna 13:5

Ahih hangin tua kamsangpa ahi a, mang manpa ahi zongin kithat ding hi, bang hang hiam cih leh Topa na Pasian un na pai nading uh a, a hong thupiak na nusiat theih nading uh, leh Izipt leitang panin hong paikhiatpih in, salsuahna panin hong tankhia Topa na Pasian uh lang pangin na lehdo nading uh thu hong hilh ahi hi. Tua ahih ciangin note lak panin siatna na siangkhiasak ding uh hi.

JOB (Job) 36:11

Amaute in Pasian' thu mangin ama na sem leh amaute nuam sa-in a khan’ uh sau hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.