Jeremiah 7:21 - Tedim Bible

²¹ “A vanglian Topa, Israel mite’ Pasian in hih bangin kong ci hi: Mei tawh haltum ding na meihal biaknate uh hal nawnloin, sa nek theih kithoihnate tawh kibangin ne vet un.

Tedim Bible Revision 2017

²¹ “Vanglian Topa, Israel miteʼ Pasian in hih bangin kong ci hi: Mei tawh hal tum ding na meihal biaknate uh hal nawn loin, sa nek theih biakpiaknate tawh kibangin ne vet un.

Jeremiah 7:21 Referans Kwoze

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Isaiah 43:23

Meihal biakpiak nadingin kei kiangah na tuu nong paipih kei a, biak piakna tawh kei nong pahtawi kei hi. Piakna tawh nang kong vangik sak nai kei a, paknamtui piak nading kalhna tawh kong gim sak nai kei hi.

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Ezekiel 33:25

Tua ahih ciangin Topa Pasian ahi keima thugen, hih bangin amaute kiangah gen in: Note in sasi, a sa tawh na ne khawm uh a, milim zong na bia uh hi. Mi zong na that lai uh hi. Tua ahih manin bang ci-in hih gam in kote’ aa hi, ci thei na hi uh hiam?

Thu-hilhkikna 12:27

Topa na Pasian uh biakna tau tungah na meihal biakna, a sa leh a si na pia ding uh hi; na biak piakna uh site Topa note’ Pasian’ biakna tau tungah kibuakhia ding a, ahih hangin a sa na ne thei ding uh hi.

Late 50:8

Na biak piakna uh ah note kong mawhsak kei hi; na meihal biaknate uh ka mai-ah om ngitnget hi.