Jeremiah 7:2 - Tedim Bible

² Topa’ biakinn kongkhakpi kiangah ding in la, hih thu teng va tangko in: Topa bia ding-a kongkhak sung-a hong tum Judah mite aw, Topa’ kammal ngai dih un.

Tedim Bible Revision 2017

² “Topaʼ biakinn kongkhakpi kiangah ding inla, hih thu teng va taangko in: Topa a bia dingin kongkhak sunga hong tum Judah mite aw, Topaʼ kammal ngai dih un.

Jeremiah 7:2 Referans Kwoze

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Mangmuhna 3:22

Kha Siangtho in pawlpite a thupiakna bil nei mi in ngai ta hen,’ ci-in thu hong pia hi.”

Amos 7:16

Tu-in Topa’ thugen ngai in. Israel mite lang khatah ka thugen ding nong kho a, Isaak’ suan leh khakte lang khatah ka thugen ding nong kham hi.

Isaiah 1:10

Sodom a uk mangte aw, Topa’ thu za un! No Gomorrah mite aw, i Pasian’ hilhna ngai un!

Micah 1:2

No minam khempeuhte aw, hih thu za un. Leitunga teeng mi khempeuh aw, hih thu ngai un. Note’ lang khatah Topa Pasian in teci pang a, a vantung biakinn panin thu hong gen hi.

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Jeremiah 44:24

Jeremiah in mi khempeuhte’ kiang leh nupi khempeuhte kiangah a gen laina-ah, “Topa’ kammal ngai dih un, no Izipt gama om Judah mite khempeuh aw,

Jeremiah 36:10

Tua ciangin Topa’ biakinn sung, a Kongpi Thak tumna gei, adei tungnunga Shafan’ tapa thuvan pipa Gemariah’ inndei sungah mi khempeuh’ zak-in Baruk in laizial sunga Jeremiah’ kammalte a simkhia hi.

Jeremiah 36:6

nang na pai in la, an tan’ ni ciangin Topa’ biakinn sunga om mi khempeuhte’ zak dingin kong sit hih laizial sunga na gelh Topa’ kammalte na sim ding hi. Amau’ khuapite pana hong paikhia Judah mi khempeuhte’ zakin zong na sim ding hi.

Jeremiah 34:4

Judah kumpipa Zedekiah aw, Topa’ kammal ngai lai dih in. Topa in nangmah tawh kisai-a hong gen-inah, nang in namsau tawh thahna na thuak kei ding hi.

Jeremiah 19:14

Tua ciangin Topa in thu gen ding a, hong sawlna Tofeth panin ka ciahkik a, Topa’ biakinn sungah ding-in mi khempeuh’ kiangah,

Jeremiah 10:1

Israel mite aw, note hong hopihna Topa’ kammal ngai dih un.

Jeremiah 2:4

Jokob’ suan leh Israel innkuan khempeuhte aw, Topa’ kammal ngai dih un.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

Mangmuhna 3:13

Kha Siangtho in pawlpite a thupiakna bil nei mi in ngai ta hen,”

Mangmuhna 3:6

Kha Siangtho in pawlpite a thupiakna bil nei mi in ngai ta hen.”’

Mangmuhna 2:29

Kha Siangtho in pawlpite a thupiakna bil nei mi in ngai ta hen.’”

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”

Mangmuhna 2:11

Kha Siangtho in pawlpite a thupiakna bil nei mi in ngai ta hen. A zo mi nihvei sihna in a su kha kei ding hi.”

Mangmuhna 2:7

Kha Siangtho in pawlpite a thupiakna bil nei mi in ngai ta hen. A zo mi keimah in Pasian Paradis gam sungah a om nuntakna gah a nek theihna thu ka pia ding hi.”

Sawltak 5:42

Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.

Sawltak 5:20

“Note pai un la, biakna innpi sungah ding un la, hih Nuntakna thu mite kiangah va hilh un,” ci-in thu a pia hi.

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Mattiu 13:9

Zak nading bil a nei teng in za ta un!” a ci hi.

Micah 3:9

Ngai un! Israel a uk makaite aw, Note in thutang deih loin, thuman kimlai a khialin na hei uh hi.

Micah 3:1

Israel a uk makaite aw, hih thu ngai un. Note in thutang thuman a deih dinga kilawm hi napi-in,

Late 122:2

Jerusalem aw, na kulh kongpi sungah kote hong tungin ka ding khin ta uh hi.

Jeremiah 2:2

“Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Jeremiah 7:1

Topa in Jeremiah kiangah hih bangin hopih hi:

Jeremiah 11:6

Tua ciangin Topa in kei kiangah, “Hih thuciamna thute ngai-a a sep nadingun Judah gam khuapite leh Jerusalem thute ngai-a a sep nadingun Judah gam khuapite leh Jerusalem khua kongzing lakah va tangko in.

Ezekiel 37:1

Ka sungah Topa hong om lamtak ka kiphawk a, ama Kha in kei hong paipihin, misi guh tawh a kidim-a om kuampi khatah hong koih hi.

Jeremiah 28:5

Tua ciangin kamsangpa Jeremiah in Topa’ biakinn pi sungah ding-a a om siampite leh mi khempeuhte’ om kim laitakin kamsangpa Hananiah hopih a,