Jeremiah 7:18 - Tedim Bible

¹⁸ Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Tedim Bible Revision 2017

¹⁸ Naupangte in sing tomin, a pate un mei tawh uh a, nupite in a nusian uh vantung kumpinu ading moh bawlna ding annel meek uh a, kei hong hehsak nadingun, pasian dangteʼ dawn dingin leenggahzu tawh biakna a pia tazen uh hi.

Jeremiah 7:18 Referans Kwoze

Jeremiah 19:13

Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

1 KORIN MASA 10:22

Ahih kei leh, Topa’ heh nadingin phin ding i hi hiam? Amah sangin hatzaw i hi hiam?

1 KUMPI MASATE 14:9

nangmah in na mai-a om mite khempeuh sangin siatna bawl zaw-in, pai-in pasian dangte leh a kisung milimte nang adingin bawlin ka heh nadingin nong phin a, na nung lamah kei nong paai hi;

Jeremiah 32:29

Hih khuapi a sim Khaldea mite hong pai-in khuapi mei tawh a hal ding uh a, ka heh nading-a inn khum tunga Baal milimte paknamtui halna tawh a biakna innte uh leh pasian dangte’ kianga tuidawn biakna a piakna uh innte zong a haltum ding uh hi.

Jeremiah 25:7

Ahih hangin Topa in kong cih-inah, note in ka thu nong ngai kei uh a, note’ daan thuak nading mahin na khut uh tawh milim bawlin nong hehsak uh hi.

Jeremiah 11:17

Israel mite leh Judah mite in mei halna tawh Baal bia-in hong heh sak-a siatna a bawl manun, nang a hong phut keimah a vanglian Topa in nang’ tungah siatna tun’ nading thu kong pia zo hi,” a ci hi.

Isaiah 3:8

Bang hang hiam cih leh, amau kampaute leh amau gamtatnate in Topa langpangin, a minthang ama omna dem uh ahih manin, Jerusalem khua kipukin, Judah gam kia hi.

1 KUMPI MASATE 16:2

“Keimah in leivui lak panin nang hong sangto sakin ka mi Israelte tungah makai-in nang hong bawl napi-in, nangmah in Jeroboam’ khekhap mah tawnin ka mi Israelte na khialsak a, amaute’ khialhna tawh kei hong hehsak na hih manin,

Thu-hilhkikna 32:21

Amaute in pasian a hilote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a gentaak lote tawh amaute’ hazat theih nading ka bawl ding hi. A hai minam khat tawh amaute ka hehsak ding hi.

Thu-hilhkikna 32:16

Amaute in pasian dangte tawh ama hazat theih nadingin gamta uh a, a kihhuai gamtatnate tawh amaute in amah hehsak uh hi.

Thu-hilhkikna 4:19

Note in na mit uh tawh vantung lam en to-in, ni leh kha leh aksite, vantung na khempeuh na muh uh ciangin, vantung nuai khempeuh a, mite tungah Topa na Pasian un a piak nate lamah kihei-in tuate bia-in a na na sep khak ding uh kidawm un.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Jeremiah 44:25

a vanglian Topa, Israel mite’ Pasian in hong gen-inah: note leh na zite un na khut bek uh tawh na sep uh hi loin na kam mahmah uh tawh, ‘Vantung kumpinu tungah paknamtui hal ding leh tui dawn biakna piak dinga ka kiciamna sa uh bangin ka sem taktak ding uh hi,’ ci-in na gen khin zo uh hi. Tua ahih leh na kiciamna uh kip sak ta un la, na kiciamna uh bangin sem dih ve un!

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;

Isaiah 65:3

Ka maitang ah a tawntungin kei hong hehsak denin, biakna huan sungah biak piakna bawlin dawi biakna tau tungah paknamtui a hal mite,

Isaiah 57:6

Kuam sunga suangmaite lakah milimte na la uh a, tua suangmaite na bia uh hi. Tuate tungah tui tawh biak piakna sungin, an tawh biak piakna na paipih uh hi. Hih thute’ hangin kei lungdam ding ka hi hiam?

Late 16:4

Pasian dang a teelte in amau dahna khangsak hi; amau’ si theh biaknate ke’n bawlpih loin, amau’ pasiante ka biakpih kei ding hi.

Jeremiah 7:17

Judah gam khuapite sung leh Jerusalem khua kongzing lakah bang hih uh cih mu lo na hi hiam?

Jeremiah 17:2

A tate un singlim nuai khempeuh leh mualsangte’ tunga a biakna taute uh leh a nusian uh Asherah milimte a phawk veve uh a,

Kah la 5:13

Tangvalte sila bangin aana tawh an kigawi sak a, naupangnote sing kitomsakin a lelhpipi-un a kipuasak hi.

Ezekiel 8:17

Tua ciangin amah in, “Ezekiel aw, huate na mu hiam? Hih Judah mite in na muhsa a muhdahhuai a gamtatte uh tawh lungkim nai lo uh a, gam sung khempeuh ah ngongtatna dimsak uh hi. Tua banah ka heh semsem nadingin hih bangin gamta uh hi. A siathei tawpin hih bangin kei hong simmawh bawlna mu in!

Ezekiel 16:26

A lan mahmah na veng Izipt mite na luppih a, na paktatna tawh kei nong hehsak hi.

Jeremiah 1:16

Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte meihal biakna a pia uh a, a khut uh tawh a bawlsa milimte a bia uh hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

Ezekiel 8:16

Tua ciangin biakinntual sungnung ah hong paipih hi. Tua lai-ah biakinn kongkhak gei, biaknatau leh innlim kikal san-ah mihing sawmnih leh nga khawng na om a, biaknatau nung ngatin nisuahna lam nga-in ni suak tuung na bia uh hi.