Jeremiah 7:15 - Tedim Bible

¹⁵ Efraim’ suan-le-khak ahi leilu lam-a na behte khempeuh uh ka paihkhiat bangin note zong ka muhna panin kong paaikhia ding hi.

Tedim Bible Revision 2017

¹⁵ Efraimʼ suanlekhak ahi leilu lam a na behte khempeuh uh ka paihkhiat bangin note zong ka muhna panin kong paikhia ding hi.

Jeremiah 7:15 Referans Kwoze

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Hosea 13:16

Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Jeremiah 52:3

Topa in Jerusalem khua leh Judah mite ama’ kiang panin a hawlkhiatna zah ding dongin a hehna a lian hi. Zedekiah kumpipa in Babilon kumpipa a langpan’ hi.

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in daan tat ding hi.

Hosea 9:3

Bang hang hiam cih leh Topa’ gam sungah na om suak kei ding uh a, Izipt gamah pai kikin, Assiria gam sungah an siang lo na ne ding uh hi.

Hosea 1:4

Tua ciangin Topa in Hosea kiangah, “Na tapa’ min dingin Jezre-el phuak in: bang hang hiam cih leh ama pute Jehu in Jezre-el khua-ah a mi thahna hangin, Israel kumpipa tungah daan ka pia baih ding a, Israel mite tungah Jehu’ suan-le-khakte’ ukna ka beisak ding hi.

Jeremiah 23:39

en un, keimah in note leh na pu na pate ka piaksa khuapi ka domto ding a, ka omna panin ka lawnkhia taktak ding hi.

Jeremiah 3:8

A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

2 KHANG TANGTHU NIHNATE 15:9

Tua ciangin amah in ‘Judah leh Benjamin mi khempeuh, leh Efraim, Manasseh, leh Simeon sung panin amaute kiangah a peemte khawm hi; bang hang hiam cih leh Topa a Pasian amah tawh a omna thu amaute in a muh uh ciangin Israelte kiang panin mi tampi tak ama kiangah tai uh hi.

2 KUMPI NIHNATE 24:20

Bang hang hiam cih leh Topa’ hehna hangin ama kiang panin amaute a paihkhiatna zah dong dingin Jerusalem leh Judah tungah thu hong om hi. Tua ciangin Zedekiah in Babilon kumpipa lehdo hi.

Gamlak-vakna 1:32

Josef mi, Efraim mi a kicite, a suan a khakte, kum sawmnih panin a tungsiah a min phazah tawh kizui-in a innkuankuan, a beh beh-in, galdo dingin a kuan thei pasal peuhmah:

Late 51:11

Na omna panin kei hong paikhia kei in la, kei kiang panin na Kha Siangtho la kei in.

Isaiah 7:16

Bang hang hiam cih leh naupang in a hoih lote nial-in a hoihte a teel theih hun ma-in na kihtak uh kumpi nihte’ gam kinusiacip ding hi.

Jeremiah 9:19

Bang hang hiam cih leh Zion khua pan-a kiza kahna aw ging in, ‘I kisia khin zo hi! I zumhuai mahmah khin zo hi; bang hang hiam cih leh amau in i innte hong suksiat sak uh ahih manin, i gam i nusia ding hi,’ ci-in a gen hi,” a ci hi.

Ezekiel 23:31

Na u nu’ khekhap teng mah tawn na hih manin amah daan ka piak bangin nang zong daan ka hong pia ding hi.

Hosea 7:13

Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Hosea 9:13

Tu-in ka mu khol khin hi. Mite in sa bet-a a bet ding leh, a thah ding bekin, Israel mite in a naupangte uh khah khia ding uh hi, a ci hi.

Jonah 2:4

Tua ciangin keimah in, ‘Na omna panin kei hong kihawl khia hi; na biakinn siangtho hong koici et kik thei ding ka hi hiam?’ ka ci hi.

Jeremiah 23:33

Jeremiah aw, ka mite khat peuhpeuh in ahi zongin, kamsang khat ahi kei leh siampi khat peuhpeuh in ahi zongin, ‘Topa’ thugen in bang ahi hiam?’ ci-a hong dot leh nangmah in, ‘Topa’ thugen in nangmah na hi a, nang in vangik khat na hi hi. Topa in nang, kong paaikhia ding hi, hong ci hi,’ ci in la, gen in.

Ezekiel 33:25

Tua ahih ciangin Topa Pasian ahi keima thugen, hih bangin amaute kiangah gen in: Note in sasi, a sa tawh na ne khawm uh a, milim zong na bia uh hi. Mi zong na that lai uh hi. Tua ahih manin bang ci-in hih gam in kote’ aa hi, ci thei na hi uh hiam?