Jeremiah 7:14 - Tedim Bible

¹⁴ ka min tawh a kilo, note in na muan’ uh hih biakinn leh note leh na pu na pate-uh’ kiang-a kong piak hih mun, Shiloh tunga ka hih bangin ka hih ding hi.

Tedim Bible Revision 2017

¹⁴ ka min tawh a kilo, note in na muan uh hih Jerusalem biakinn le note le na pu na pate uhʼ kiangah kong piak hih mun pen Shiloh a biakinn tungah ka hih bangin ka hih ding hi.

Jeremiah 7:14 Referans Kwoze

Jeremiah 7:4

‘Hih in Topa’ biakinn ahi hi, Topa’ biakinn ahi hi, Topa’ biakinn ahi hi,’ a kicici zuauthute um kei un.

Jeremiah 7:10

tua ciangin ka min tawh a kilo hih biakinn sungah ka mai-ah hong pai-in hong ding-in, ‘Hong kihonkhia zo hi,’ na cih khit uh ciangin hih a muh thadah huai nate khempeuh va hih kik zel ding na hi uh hiam?

Late 78:60

Amah in, mihingte’ lak-a omna puanbuk, Shiloh khua-a a omna nusia a,

2 KUMPI NIHNATE 25:9

Amah in Topa’ inn, kumpipa’ inn leh Jerusalem khua sung inn khempeuh hal hi; inn lian khempeuh amah in haltum hi.

Thu-hilhkikna 28:52

Na gam sung uh a, a om na muan’ uh a sang a muan’ huai na kulhpite uh a cip khit dong matengin na khuapite khempeuh sungah amaute in note hong umcih ding uh hi; Topa na Pasian un note hong piaksa na gam sung khempeuh uhah a om na khuapite khempeuh sung uhah note hong umcih ding uh hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Kah la 4:1

Biakinnpi kisia a, suang kiciangte kongzing lakah a kithehthang hi. Khamtui tawh a kizut a tee daldalte a mualmang khin zo hi.

Kah la 2:7

Topa in a siangtho biakinnpi leh a biakna tau deih nawn lo a, biakinn kulhpi galte a susiasak hi. Lungdamna tawh Amah i biakna munah, amaute gal zoin a kiko uh hi.

Jeremiah 26:18

“Judah kumpipa Hezekiah a maan’ laitakin Moresheth khuami Mikah in Judah mi khempeuhte’ kiangah: ‘Lo dingin Zion mual a kikho ding hi; Jerusalem khua a kisiazan ding a, biakinn mual in gamlak a suak ding hi, ci-in a vanglian Topa in a gen hi,’ a ci hi.

Jeremiah 7:12

Ka min ka teen’sak masakna Shiloh khua-ah va pai un la, ka mi Israel mite’ gitlohna hang-a ka nasepna va en dih un.

Isaiah 64:11

Kote’ biakinn a siangtho leh a hoihte, ka pate un nangmah hong phatna munte uh mei in kangtum khin a, kote’ neihsa na manpha khempeuh a sia suak khinta hi.

2 KHANG TANGTHU NIHNATE 7:21

Tua ciangin a minthangsa hih inn a nawkkha khempeuh in lamdangsa-in, ‘Bang hangin hih bangin Topa in hih gam leh hih inn bawl ahi hiam?’ ci ding uh hi.

Thu-hilhkikna 12:5

Topa na Pasian un na minam khempeuh uh sung panin ama min koih nadingin teelin, ama om nadinga a bawlna mun na zong ding uh hi;

Jeremiah 23:39

en un, keimah in note leh na pu na pate ka piaksa khuapi ka domto ding a, ka omna panin ka lawnkhia taktak ding hi.

Ezekiel 23:31

Na u nu’ khekhap teng mah tawn na hih manin amah daan ka piak bangin nang zong daan ka hong pia ding hi.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paaimang ta hi. Ka it mahmah ka mite, a galte’ khut sungah ka pia ta hi.

Jeremiah 26:4

Nangmah in amaute’ kiangah, ‘Topa in hih bangin ci hi: Note in ka thu hong ngai loin, note’ mai-a kong lah sa ka thukham bangin na gamtat kei uh a,