Jeremiah 7:11 - Tedim Bible

¹¹ Ka min tawh a kilo hih biakinn no’ ngaihsutna-ah misuam buluhte’ bukna mun bang-a ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.

Tedim Bible Revision 2017

¹¹ Ka min tawh a kilo hih biakinn noʼ ngaihsutna ah mi suam mi buluhteʼ bukna mun bangin ngaihsun na hi uh hiam? Keimah in noteʼ hih khempeuh kong mu khin hi, Topa in kong ci hi.

Jeremiah 7:11 Referans Kwoze

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Mattiu 21:13

“Ka inn in thungetna inn a kici ding hi,’ ci-in Lai Siangtho sungah a kigelh hangin, note in guta buluhte omna na piangsak tazen uh hi,” a ci hi.

Marka 11:17

“Ka inn in mipawl khempeuhte thungetna inn a kici ding hi,’ ci-in Lai Siangtho sungah kigelh hilo ahi hiam? Ahih hangin note in tua inn guta buluhte omna na piangsak tazen uh hi,” ci-in a hilh hi.

2 KHANG TANGTHU NIHNATE 6:33

na teenna mun vantung panin za in la, gamdang mipa in na tungah hong ngetna khempeuh tawh kizui-in hih in; tua hi leh nangma mi Israelte mah bangin leitung mi khempeuh in na min thei-in nang hong zahtak ding uh a, keima lamsa hih inn in nangma min tawh a kilo ahihna thei ding uh hi.

Johan 2:16

Vakhu zuakte kiangah zong, “Hih nate na paimangpih un. Ka Pa’ inn sumzuakna inn na suaksak kei un,” a ci hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Jeremiah 29:23

Bang hang hiam cih leh amaute Israel gamah hai gamtat uh hi: a innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in a gelh hi.

Jeremiah 2:34

Mawhnei lo mizawngte’ sisan na puan tungah a baang hi; amaute in na inn hong luh ngei beek lo uh hi. Tua bang teng hi napi-in,

Jeremiah 7:10

tua ciangin ka min tawh a kilo hih biakinn sungah ka mai-ah hong pai-in hong ding-in, ‘Hong kihonkhia zo hi,’ na cih khit uh ciangin hih a muh thadah huai nate khempeuh va hih kik zel ding na hi uh hiam?

Ezekiel 35:13

Kei hong gensia-in na kiphatsak paunate khempeuh a vekin ka za khin hi.

Isaiah 1:12

“Kei’ mai-ah kilaak ding a, nong pai uh ciangin hih banga ka huang sung na tuatcil gawpna uh kua in hong deih ahi hiam?

Daniel 9:18

Pasian aw, ka thungetna uh na bil tawh hong ngai in la hong za in. Hong en in la, kote’ siatna leh na min pua khuapi’ siatna hong mu in. Kote’ gamtatna pha suang hi loin, nangma’ migitna suangin thu kong ngen uh hi.