Jeremiah 6:7 - Tedim Bible

⁷ Tuikhuk panin tui siang hong phul bangin, Jerusalem khua panin siatna phul hi. Khua sungah ngongtatna leh kisuksiatna ka za ngitnget a, cinatna leh liamnate ngentang ka mu hi.

Tedim Bible Revision 2017

⁷ Tuikhuk panin tuiphul a tawlngak loh bangin, Jerusalem khua panin siatna tawlnga lo hi. Khua sungah ngongtatna le suksiatna ka za ngitnget a, cinatna le liamna bekbek ka mu hi.

Jeremiah 6:7 Referans Kwoze

Ezekiel 7:23

“Na khuttum uh zial un. Bang hang hiam cih leh gam sungah mi kithahna dim a, khua sungah ngongtatna dim hi.

Ezekiel 7:11

Mi gilote’ hauhna leh lungmuan’ nate haksa loin beimang ding hi.

Jeremiah 20:8

Bang hang hiam cih leh thu ka gen simin, “Ngongtatna leh kisiatna!” ci-in ka kiko den hi. Bang hang hiam cih leh Topa’ kammal ka genkhiatna hangin ni simin simmawhna leh zahpihna ka thuak lawh hi.

Isaiah 57:20

Ahih hangin mi gilote pen a kilok tuipi tawh kibang uh hi; bang hang hiam cih leh tuipi khawlcip thei lo a, a tuite in buan leh ninte laamto uh hi.

Ezekiel 24:7

Khuapi sungah mi kithahna om a, a sisante, leivui in a vuh theih nading lei lakah taaksak loin, suang tungah taaksak uh hi.

Paunak 4:23

Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

Isaiah 59:6

Na maimom khau puante uh kizang thei lo ding a, kuamah in silh lo ding uh hi. Gitlohna gamta uh a, ngongtatna a khut sung uhah om hi.

Jeremiah 30:12

“Bang hang hiam cih leh Topa in kong cih-inah: Na liamna uh dam thei lo a, na meima uh nasia mahmah hi.

Jeremiah 30:13

Note a hong don ding kuamah om lo a, na liamma uh ading zatui om loin, note’ dam nading om lo hi.

Jeremiah 32:31

Hih khuapi in, a kisat cil-a kipan tu ni ciang dong hong hehsakin hong thangpaisak ahih manin ka muhna panin ka hemkhia ding hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sau vei lua zo ta hi. Na ngongtatnate uh leh mi na nenniamnate uh khawl un la, thuman thutangin na sem un. Amau leitang panun ka mite notkhia nawn kei un. Topa Pasian keimah in hih thu kong gen hi.

Isaiah 1:6

Khe nuai-a kipan lutang dong nangawnin a cidamna om lo a, satnim gawpnate leh meimapite leh si luang liammate om hi; tuate pen a nai kisaal lo, kitun lo, sathau tawh kinomsak lo hi.

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hanga ka mite dam thei lo uhahi hiam?

Jeremiah 30:15

Bang hangin na sa-in kapkap na hi uh hiam? Na natna uh a dam thei ding hi lo hi. Na khialhnate uh lian lua-in, na mawhnate uh nasia lua ahih manin hih bangin note kong thuak sak hi.

Ezekiel 21:29

No Ammon mite aw, a siangtho lo, mi gilote, a daantuah nading uh hun tungta ahih manin, sumai gawp un, ci-in a hong hanthawn, na mangmuhnate uh zuaupi hi a, na ai phate uh a mawkna hi.

Zefaniah 3:1

Ama mite mah nengniamin, thumang loin a tatsia, Jerusalem khuapi in gimna ngah ding hi.