Jeremiah 6:6 - Tedim Bible

⁶ Bang hang hiam cih leh a vanglian Topa in, “A singte phuksak un la, Jerusalem khua sim nadingin phungin ciang un. Hih khuapi daantah kul hi, bang hang hiam cih leh kinet niamna bekbek tawh a dim hi.

Tedim Bible Revision 2017

⁶ Bang hang hiam cih leh Vanglian Topa in, “A singte phuksak unla, Jerusalem khua sim nadingin phungin ciang un. Hih khuapi gim piak kul hi; bang hang hiam cih leh kinetniamna bekbek tawh a kidim hi.

Jeremiah 6:6 Referans Kwoze

Jeremiah 32:24

En in, khuapi lak nadingin kan a to khin zo uh hi. Namsau tawh kithahna hang, kialpi hang leh pulnatna hangin a sim Khaldea mite’ khut sungah khuapi a kipia ding hi. Na gensa bangin hong tun’ loh phamawh ahih manin en in, nangmah in na mu ta hi.

Luka 19:43

Bang hang hiam na cih leh, na galte in na kimkot ah kan bawlin hong uumcip a, mun khempeuh panin hong khakcip ding uh hi.

Isaiah 37:33

“Tua ahih ciangin Assiria kumpipa tawh kisai-in Topa in hih bangin ci hi: Hih khuapi sungah amah hong pai loin, thaltang lawn lo ding a, lum tawh hong pai loin, galdo nading panmun hong bawl lo ding hi.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Jeremiah 32:31

Hih khuapi in, a kisat cil-a kipan tu ni ciang dong hong hehsakin hong thangpaisak ahih manin ka muhna panin ka hemkhia ding hi.

Jeremiah 33:4

Bang hang hiam cih leh galte’ kan tawhna leh namsaute do nadingin kizanga a kisusia gawp ding hih khuapi sunga innte leh Judah kumpite’ innte tawh kisai-in, Topa, Israel mite’ Pasian in kong cih-inah:

Ezekiel 4:2

Tua ciangin tua khuapi a kiumcihna na lah nadingin a kiim-ah dumte, phungte, galpan’na phualte leh kulh sukkhap nading molhtumte bawl in.

Ezekiel 5:5

Tua ciangin Topa Pasian in, “Hih Jerusalem khuapi lim en in. Leitung laizangah ka koih a, a kimkotah gamdang khempeuh ka omsak hi.

Daniel 11:15

Tua ahih ciangin Siria kumpipa in kulhpi tawh a kiumcih khuapite luh zo-in a la khin ding hi. Izipt galkapte in galdo suak zo nawn lo ding uh a, galkap thahatpente a thaneem ding uh hi.

Zefaniah 3:1

Ama mite mah nengniamin, thumang loin a tatsia, Jerusalem khuapi in gimna ngah ding hi.

Jeremiah 5:9

Hih thute hangin amaute daantat lo ding ka hi hiam? Topa in ka gen-inah, hi ci bang minam’ tungah thukkik lo ding ka hi hiam?

Jeremiah 5:29

Hih thute hangin amaute daantat lo ding ka hi hiam? Topa in ka ci hi. Hih bang minam’ tungah thukkik lo ding ka hi hiam?”

Jeremiah 20:8

Bang hang hiam cih leh thu ka gen simin, “Ngongtatna leh kisiatna!” ci-in ka kiko den hi. Bang hang hiam cih leh Topa’ kammal ka genkhiatna hangin ni simin simmawhna leh zahpihna ka thuak lawh hi.

Jeremiah 39:1

Judah gamah Zedekiah kumpi a suah zawh kum kua leh kha sawm a phak laitakin, Babilon kumpipa Nebukhadnezzar leh a galkap khempeuh Jerusalem khua sim dingin hong pai uh hi.