Jeremiah 6:4 - Tedim Bible

⁴ Amau in, “Jerusalem khua sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektak-a i liimte sau keei ta hi.

Tedim Bible Revision 2017

⁴ Amaute in, “Jerusalem khua a sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektak ta a, i liimte sau keei ta hi.

Jeremiah 6:4 Referans Kwoze

Jeremiah 15:8

Tuipi-a sehnel om zah sangin nupi meigong ka tamsak zaw ding hi; na tangvalte uh a khan’ cin laitakin ka that ding a, a nute uh ka thuaksak ding hi. No’ tungah thakhat thu-in lungkhamna leh launa kong tungsak ding hi.

Zefaniah 2:4

Gaza khuapi-ah kuamah om nawn lo ding a, Ashkelon khuapi kinusia ding hi. Ashdod khuamite, sun tangpi-in kihawlkhia ding a, Ekron khuamite kipaikhiatpih mang ding hi.

Joel 3:9

Minamte tungah hih bangin thuzaksakna bawl in: Gal hang mite sam un la, gal do dingin kithawi un la, galkap khempeuh khawmin hong kuan un!

Jeremiah 8:20

Mite in, “An lah kila khin zo a, khuakhal hun zong bei ta a, eite lah hong kihon nai kei lailai hi,” a ci uh hi.

Jeremiah 5:10

“A gual-a a kisuan a leenggah huan sungah pai in la, suksiat sak in; ahi zongin suk maimangsak sam kei in. A hiangte heuh khiatsak in, bang hang hiam cih leh tuate Topa’ aa hi lo hi.

Solomon la 2:17

nitak huih vot mateng, nitak nitum mateng a cing hi. Sanang bangin, mual tunga sakhitalno bangin, it luat aw, hong paikik in.

Jeremiah 6:23

Thal leh teipi tawi uh a, giloin hehpihna lungsim nei loin, a husa uh tuipi ging tawh kibang hi. Zion’ tanu aw, amaute sakol tungah tuangin, nangmah do dingin a kithawi uh hi!” a ci hi.

Jeremiah 15:9

Ta sagih a nei nupi nu khakham vei-in, a sibup hi. Sun kimlai hi napi ama adingin khuamial bang a, maizumna leh mindaina a thuak hi. No a nungta lai teng na galte un namsau-a a hong satlup dingun kong pia ding hi, Topa in kong ci hi.”

Obadiah 1:1

Obadiah gen kholhna: Edom mite gam tawh kisai-in Topa Pasian in hih bangin a gen hi. Minamte lakah kamtai khat kisawl zo a, “Kithawi un! Edom mite do dingin kuankhia ni” a cihna thu ka za zo hi.

JOB (Job) 7:2

Sila nasemte in niliim lunggulhin, a kicial nasempa in a thaman a ngak tawh kibang hilo ahi hiam?

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,