Jeremiah 6:30 - Tedim Bible

³⁰ Amaute a kideih lo ngun a kici ding uh hi, bang hang hiam cih leh Topa in amaute ka deih kei hi.”

Tedim Bible Revision 2017

³⁰ Amaute, a kideih lo ngun-ek kici ding hi. Bang hang hiam cih leh Topa in, ‘Amaute ka deih kei hi,’” hong ci hi.

Jeremiah 6:30 Referans Kwoze

Hosea 9:17

Amaute in a thu ngai lo uh ahih manin ka Pasian in a mite nial ding hi. Minam dangte lakah a vakvai mite suak ding uh hi.

Isaiah 1:22

Jerusalem khuapi aw, nguntang na bang ngei a, tu-in ngun-ek na suak hi. Leenggahzu limci na bang ngei a, tu-in tui mawkmawk na bang ta hi.

Late 119:119

Nangmah in leitung migilote khempeuh sik-ek bangin na ngaihsun hi; tua ahih ciangin na teci pan’nate ke’n ka deih hi.

Isaiah 1:25

Note kong langpan ding a, meikhuk-a haltui bangin na saam-ek teng uh tuikhia sakin, na kihelpih na nin khempeuh uh ka lakhia ding hi.

ROM (Romans) 11:1

Tua bang ahih leh, Pasian in ama mipawlte a paaikhia hiam? A paaikhia kei hi, ka ci hi. Keimah in zong Abraham’ suan, Benjamin’ mipawl Israel mi ka hi hi.

Mattiu 5:13

“Note in leitung’ ci na hi uh hi. Ci in a alna a man’ leh, bangci a al kik ding hiam? Dai pua lamah paikhia-in mite sikgawp ding longal kiman’na om lo hi.

Kah la 5:22

Kote hong nial tawntung takpi ding na hi hiam? Na hehna in ciangtan hun nei thei lo ding ahi hiam?

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Paunak 25:4

Ngun a ek teng paaikhia lehang, siksekpa in na hoihpi piangsak thei hi.

Late 53:5

Cik mah-a tua bang launa om ngei lo, launa lianpi sungah amaute om uh hi. Bang hang hiam cih leh Pasian in migilote’ guhte thehthang ding hi; Pasian in amaute nial ahih manin, amaute maizumin kikoih ding hi.

Jeremiah 7:1

Topa in Jeremiah kiangah hih bangin hopih hi:

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

2 KUMPI NIHNATE 17:20

Tua ciangin Topa in Israel suan-le-khakte khempeuh nialin amaute gimsak a, ama muhna panin amaute a paihkhiat dongin a siasak mite khut sungah amaute pia hi.

Jeremiah 23:33

Jeremiah aw, ka mite khat peuhpeuh in ahi zongin, kamsang khat ahi kei leh siampi khat peuhpeuh in ahi zongin, ‘Topa’ thugen in bang ahi hiam?’ ci-a hong dot leh nangmah in, ‘Topa’ thugen in nangmah na hi a, nang in vangik khat na hi hi. Topa in nang, kong paaikhia ding hi, hong ci hi,’ ci in la, gen in.